Marına Vasılevskaıa «Soıýz MS-25» ǵarysh kemesi ekıpajynyń quramynda jer orbıtasyna jetken alǵashqy Belarýs azamaty boldy, dep habarlaıdy almaty-akshamy.kz Euronews-ke silteme jasap.
Reseılik «Soıýz MS-25» ǵarysh kemesi Baıqońyr ǵarysh aılaǵynan Halyqaralyq ǵarysh stansıasyna sátti ushyryldy. Ekıpaj quramynda Marına Vasılevskaıa bar, ol orbıtada bolǵan alǵashqy Belarýs áıeli. Onyń qasynda NASA astronavty Treısı Koldýell-Daıson jáne keme komandıri, reseılik ǵaryshker Oleg Novıskıı bar.
Vasılevskaıa – «Belavıa» avıakompanıasynyń 33 jastaǵy stúardessasy. 2022 jyldyń jeltoqsanynda Belarýsta ótken konkýrstyq irikteý barysynda ol Reseıdiń «Soıýz» kemesinde ǵaryshqa ushýǵa qatysý úshin ótinish bildirgen úsh myńnan astam qyzdyń ishinen tańdaldy.
Iý. A. Gagarın atyndaǵy Ǵaryshkerlerdi daıarlaý ortalyǵynda medısınalyq zertteýler júrgizgennen keıin ǵaryshqa ushýǵa úmitker Anastasıa Lenkovamen birge tańdaldy. 2023 jylǵy 29 mamyrda «Soıýz MS-25» kemesiniń jáne halyqaralyq ǵarysh stansıasyna jiberiletin 21-shi ekspedısıasynyń negizgi ekıpajynyń ǵaryshkeri retinde taǵaıyndaldy.