Eldiń basym bóliginde burqasyndy, tumandy aýa raıy bolady
11 qarasha kúni respýblıkanyń basym bóligindegi aýa raıyn sıklon jyrasy jáne sonymen baılanysty atmosferalyq fronttar anyqtaıdy. Soǵan oraı jaýyn-shashyn kútilip, soltústik óńirlerde jańbyrdyń sońy qarǵa ulasady. Elimizdiń shyǵysy, ortalyǵy jáne ońtústigi joǵary qysymdy alqap yqpalynda bolǵandyqtan, kóbine jaýyn-shashynsyz kún raıy boljanady. Qazaqstannyń basym aýmaǵynda jeldiń kúsheıýi, soltústik aýdandarda jaıaý burqasyn, kóktaıǵaq, tuman bolady. Sondaı-aq batys, soltústik-batys jáne ońtústiktiń taýly aýdandarynda tuman kútiledi, dep habarlaıdy Almaty-akshamy.kz QazAqparatqa silteme jasap.
Atap aıtqanda, Aqmola oblysynda kóktaıǵaq, jaıaý burqasyn, 15-20 m/s ekpinde jel turady.
Aqtóbe oblysynda kóktaıǵaq, jaıaý burqasyn, kúndiz oblystyń shyǵysynda jeldiń kúshi 5-20 m/s artady. Qostanaı oblysynyń soltústik jáne shyǵysynda, Soltústik Qazaqstan oblysynyń soltústik-batysynda kóktaıǵaq, jaıaý burqasyn, tuman, 15-20 m/s jyldamdyqta jel kútiledi.
Pavlodar oblysynda tuman, kóktaıǵaq, jaıaý burqasyn, 15-20 m/s ekpinde jel boljanady. Almaty oblysynyń Alakól kólderi aýdanynda, Shyǵys Qazaqstan oblysynyń Jarma aýdanynda jeldiń kúshi 15-23 m/s quraıdy. Q
araǵandy oblysynyń ońtústik-shyǵysynda, Batys Qazaqstan oblysynyń soltústiginde túnde jáne tańerteń, Ońtústik Qazaqstan, Jambyl oblystarynyń taýly jáne ońtústik aýdandarynda tuman, túnde Batys Qazaqstan oblysynyń shyǵysynda jel 15-20 m/s kúsheıýi kútiledi.
Atyraý oblysynyń shyǵysynda, Qyzylorda oblysynyń soltústik-batysynda jeldiń ekpini 15-20 m/s quraıdy. Mańǵystaý oblysynyń soltústik-batysynda, shyǵysynda jel 15-20 m/s artady, túnde ekpini 23 m/s jetedi. Túnde jáne tańerteń oblystyń soltústiginde kóktaıǵaq bolady.