Ekijaqty taýar aınalymy barynsha qarqyn alyp keledi
QHR Tóraǵasy Sı Szınpın Fransıa Prezıdenti Emmanýel Makronmen kezdesý ótkizdi. Kezdesý Beıjińdegi Tánanmen alańynda ornalasqan Halyq jınalysy úıinde ótti, dep habarlaıdy Almaty-akshamy.kz QazAqparatqa silteme jasap.
Sınhýa agenttiginiń aqparatyna qaraǵanda, Sı Szınpın Fransıa Prezıdentiniń úsh jyldan keıingi Qytaıǵa kezekti memlekettik saparyn quptaıtyndyǵyn atap ótken.
Onyń aıtýynsha, eki taraptyń birlesken kúsh-jigeriniń arqasynda qytaı-fransýz qarym-qatynasy oń ári turaqty damýyn saqtap qaldy. Ekijaqty taýar aınalymy da barynsha qarqyn ósip kele jatyr. Elder aeroǵarysh, aýyl sharýashylyǵy, azyq-túlik jáne ózge de salalarda oń nátıjelerge qol jetkizdi.
QHR Tóraǵasy Qytaı men Fransıa klımattyń ózgerýi, bıoalýantúrlilik jáne Afrıkany damytý syndy máseleler aıasynda da tyǵyz baılanys ustanatyndyǵyna toqtalǵan.
Ol Qytaı men Fransıa BUU Qaýipsizdik keńesiniń turaqty múshesi, iri táýelsiz memleket, sonymen qatar kóppolárly álem ıdeıasy men halyqaralyq qatynastardyń demokratıalanýyn myǵym jaqtaýshy retinde aıyrmashylyqtar men shekteýlerdi eńserýge, turaqty, ózara tıimdi, jańashyldyq baǵyttardy ustanýǵa, qytaı-fransýz jalpyqamtymdy strategıalyq seriktestigin ilgeriletýge, búkil álemdegi turaqtylyq pen órkendeýdi qoldaýǵa qabiletti ári mindetti ekendigin atap ótti.
«Bul sapar qytaılyq-eýropalyq qarym-qatynastyń damýyna tyń serpin beretindigin senimdimin», - dep atap ótedi Sı Szınpın.