Beıjiń turǵyndary Olımpıada kádesyılaryn satyp alý úshin uzyn-sonar kezekke turýǵa májbúr. Alaıda bárine jetetin túri joq, dep habarlaıdy Almaty-akshamy.kz «Habar 24»-ke silteme jasap.
Qysqy oıyndardyń bastalǵanyna áli bir apta ótken joq, alaıda shaharda kádesyılar taýsyla bastady. Jurt dúken sórelerinde turǵan zattardyń túgelin satyp alyp jatyr. Qytaı tarıhyndaǵy tuńǵysh Qysqy Olımpıada – jergilikti turǵyndardyń maqtanyshy. Kóbi jarysty óz kózimen kórgisi keldi. Alaıda pandemıanyń kesirinen ondaı múmkindikteri bolmaǵandyqtan, kádesyılardy jappaı satyp alyp jatyr.
Uıymdastyrýshylar buıymdardyń 5 myńdaı túrin daıyndaǵan. Beıjiń ortalyǵyndaǵy tek bir resmı dúkenniń kúndelikti saýdasy 150 myń dollardan asyp tústi. Alaıda suranys tym joǵary. Olımpıadadan estelik alyp qalǵysy keletinder uzyn-sonar kezekte turýǵa májbúr. Kún salqyn bolǵandyqtan, olarǵa tegin shaı da úlestirilýde.
Resmı dúkenderdiń elektrondy platformalarynda tapsyrys jasaýǵa bolady. Biraq taýardy bir aıdaı kútý kerek.
Aıta ketý kerek, bul oıyndar jergilikti turǵyndardyń salaýatty ómir súrýge qulshynysyn arttyrdy. Úkimet ókilderiniń málimdeýinshe, 300 mılıonnan asa adam qysqy sport túrlerimen aınalysa bastaǵan.