4 aqpanda Beıjińde XXIV Qysqy Olımpıada oıyndarynyń ashylý saltanaty ótedi. Olımpıadanyń ashylý saltanaty «Qustyń uıasy» ulttyq stadıonynda ótedi, dep habarlaıdy Almaty-akshamy.kz
Qazaqstanda bul sharanyń tikeleı translásıasyn úsh telearna – «Habar», «Qazsport» jáne «Qazaqstan» uıymdastyrady. Ol Nur-Sultan ýaqytymen 17:55-te bastalady. Qazaqstannyń ashylý saltanatynda short-trekshi Abzal Ájǵalıev pen kónkıshi Ekaterına Aıdova Tý ustaıdy.
Beıjińdegi Olımpıada oıyndary 4-20 aqpan aralyǵynda ótedi. Sportshylar 109 medal jıyntyǵyn sarapqa salady. Bul jarystarǵa Qazaqstan quramasy 34 sportshymen qatysýda. Otandyq sportshylar Olımpıadany 3 aqpanda bastady. Alǵashqy bolyp frıstaılshylar shyqty. Erler men áıelder arasyndaǵy irikteý qorytyndysy boıynsha qazaqstandyqtardyń eshqaısysy birinshi árekette fınalǵa shyǵa almady (ekinshi irikteý 5 jáne 6 aqpanda ótedi).