Qazaqstandyq kásipqoı boksshy, álem chempıony Beıbit Shúmenovke izdeý jarıalandy. Bul týraly Quqyqtyq statısıka jáne arnaıy esepke alý organdarynyń portalynda jarıalandy, - dep habarlaıdy Almaty-akshamy.kz.
«Shúmenov Beıbit. 2-kún izdestirilip jatyr. Týǵan kúni: 19.08.1983, jynysy: erkek, Qazaqstan Respýblıkasynyń azamaty, qazaq. İzdestirý isi 22.07.2023 «Astana óńirde tirkeldi». Bastamashy: QR İİM. İzdestirýdi júrgizetin organ: Astana qalasynyń Esil aýdandyq PB», - delingen habarlamada.
Eske salaıyq, buǵan deıin Astanadaǵy iri saýda jáne oıyn-saýyq ortalyǵynyń fýdkortynda tóbeles bolyp, qolynda kishkentaı balasy bar adamǵa ekinshi er adam shabýyl jasaǵany habarlanǵan edi.
Keıinirek polısıa osy jaǵdaıǵa qatysty pikir bildirdi. Al ishki ister mınıstriniń orynbasary Qaırat Suntaev Astanadaǵy kafede er adammen tóbelesken adam boksshy Beıbit Shúmenov ekenin rastady.
Keıinirek Beıbit Shúmenov oqıǵaǵa qatysty pikir bildirip, qalaı bolǵanyn aıtyp berdi.
Aıta keteıik, Beıbit Shúmenov – tanymal qazaqstandyq kásipqoı boksshy. Mansabyn 2007 jyly bastaǵan. 19 jekpe-jek ótkizip, 17-de jeńiske jetken. 2 kezdesýinde qarsylasyna ese jibergen. 2017 jyly jaraqatyna baılanysty mansabyn aıaqtaǵan.