Qazaqstandyq, álemniń 238-raketkasy Beıbit Juqaev Shampeın (AQSH) chellendjer týrnıriniń ekinshi aınalymyna shyqty, dep habarlaıdy aqshamnews.kz
Jarystyń 8-raketkasy bolyp tirkelgen qazaqstandyq tenısshi alǵashqy kezdesýin reıtıńide 514-orynda turǵan ulybrıtanıalyq, 18 jastaǵy Genrı Sırlmen ótkizdi.
Birinshi partıa 6:3 esebimen Beıbittiń paıdasyna aıaqtaldy.
Tartysty órbigen ekinshi sette taı-breıkte Juqaev basym boldy – 7:6 (7:4). Bir saǵat 22 mınýtqa sozylǵan báseke barysynda ol 5 eıspen birge 4 breık-poınttyń tek bireýin paıdalandy.
Sırl 6 eıspen ǵana shekteldi.
Beıbit Juqaevtyń 1/8 fınaldaǵy qarsylasy keıin anyqtalady.
Sondaı-aq qazaqstandyqtar Mıhaıl Kýkýshkın men Denıs Evseev Lıondaǵy (Fransıa) dál osyndaı dodada baq synaıdy. M.Kýkýshkın alǵashqy aınalymda ýkraınalyq Vıtalıı Sachkomen, D.Evseev kort ıesi Kalvın Emerımen sheberlik baıqasady.