2025 jyldyń basynan bastap Beeline baılanys operatorynyń ınternet tarıfteri qymbattap, bul jaǵdaı qoǵamdyq talqylaýlar men alańdaýshylyq týdyrdy. Osyǵan oraı, Qazaqstan Respýblıkasynyń Básekelestikti qorǵaý jáne damytý agenttigi Beeline kompanıasyna qatysty tekseris bastady, dep habarlaıdy aqshamnews.kz
Beeline ınternet qyzmetteri baǵasynyń kóterilýi qoldanýshylar arasynda kóptegen suraqtar týǵyzdy. Ásirese, ınternet paketteriniń qymbattaýy men baılanys qyzmetteriniń sapasyna qatysty narazylyqtar baıqalady. Agenttik tekserý barysynda tarıfterdiń naryqtaǵy básekelestikke, tutynýshylardyń quqyqtaryna jáne zańnamalyq talaptarǵa sáıkestigine nazar aýdarady. Eger zań buzýshylyqtar anyqtalsa, baılanys operatorlaryna jyldyq tabysynyń 5%-na deıin aıyppul salynyp, monopolıalyq kiris tárkilenýi múmkin.
Básekelestikti qorǵaý agenttiginiń qyzmetkerleri tarıfterdiń negizsiz ósýi jáne monopolıalyq jaǵdaılardy boldyrmaýǵa tyrysýda. Eger Beeline kompanıasy monopolıalyq áreketter jasap, básekelestikti buzatyn bolsa, oǵan aıyppul salynýy jáne naryqta teń jaǵdaı qalyptastyrý maqsatynda sharalar qoldanylýy múmkin. Osy turǵydan, agenttik bul tekseristi asa mańyzdy dep sanaıdy.
Qymbattaǵan tarıfter men álsiregen baılanys qyzmeti halyqtyń arasynda narazylyq týǵyzyp jatyr. Qazirgi tańda kóptegen tutynýshylar ózderiniń ınternet baılanysy men qyzmet kórsetý sapasyna kóńilderi tolmaıtynyn jetkizýde.