Mamandar bul tetikterdi pysyqtap jatyr.
Bul týraly Almaty qalasy Óńirlik komýnıkasıalar qyzmetiniń brıfıńinde "Ulttyq kınony qoldaý memlekettik ortalyǵy" KEAQ Basqarma tóraǵasynyń orynbasary Baýyrjan Shókenov málimdedi. Ol búginde memleket otandyq kınematografqa qomaqty qarjy salyp otyrǵanyn atap ótti, dep habarlaıdy Almaty-akshamy.kz.
"Búdjettik tırajdaý jáne dıstrıbýsıa baǵdarlamasy bar, biz ony osy jyly jandandyramyz. Ol memlekettik qoldaýǵa ıe bolǵan fılmderdiń tikeleı dıstrıbútorlarmen – kıno satýshylarmen jáne kıno kórsetýshilermen jumys isteı alýyna baǵyttalatyn bolady. Biz bul tetikterdi pysyqtap jatyrmyz. Proses, fılm túsirlgen kez, ary qaraı kınoteatrǵa barmaı aıaqtalýy tıis", - dep atap ótti Baýyrjan Shókenov.
Sonymen qatar, spıker 2022 jyly fılmniń túsirilimin daıyndaý kezinde olardyń tehnıkalyq ereksheliginde jyljytý týraly mindetti bólim bolatynyn aıtty.
"Iaǵnı, memleket óndiriske bóletin aqshanyń bir bóligi kınony ilgeriletýge baǵyttalady. Kınoóndirýshiler bastapqyda kartınalardy jalǵa alý úshin qarjy bóldi. Biz bulardy qatań qadaǵalaımyz. Jáne óz tarapymyzdan fılm toqyrap qalmaýy úshin jáne fılm túsirilip, kórermenge kórsetilmeı qalmaýyna kúsh-jiger jumsaýymyz kerek", - dep qorytyndylady "UKQMO" KEAQ Basqarma tóraǵasynyń orynbasary.
Aıta ketý kerek, KEAQ-ta otandyq platformalarda derekti jáne qysqa metrajdy fılmderdi kórsetýge múmkindik beretin strımıngtik kompanıalarmen kelisimsharttar jasalǵan.