Barlyq kólik túrleri úshin qozǵalysqa shekteý qoıyldy.
Batys Qazaqstan oblysynda eki respýblıkalyq jol jabyldy, dep habarlaıdy Almaty-akshamy.kz "QazAvtoJolǵa" silteme jasap.
4 naýryz kúni saǵat 20.40-tan bastap respýblıkalyq mańyzy bar Podstepnyı - Terekti – RF shekarasy avtojolynda (3-97 km, Podstepnyıdan Bórli aýylyna deıin) barlyq kólik túrleri úshin qozǵalysqa shekteý qoıyldy.
Jabylý sebebi - burqasyn, kóktaıǵaq.
Sondaı-aq 5 naýryz saǵat 00.50-den bastap jylbysqy qarǵa baılanysty respýblıkalyq mańyzy bar Atyraý - Oral avtojoly (456-189 km, Kóshimnen Atyraý oblysy shekarasyna deıin) barlyq kólik túrleri úshin jabyldy.
Osyǵan oraı BQO Tótenshe jaǵdaılar departamenti eskertý jarıalanǵanyn jetkizdi.