Sportshylar 4 jyldan beri sınhrondy sekirýden synǵa túsip keledi
Ázirbaıjan astanasy Bakýde ótip jatqan álem chempıonatynda qazaqstandyqtar Roman Barkov pen Igor Grachóv sınhrondy sekirýden altyn medal jeńip aldy, dep habarlaıdy Almaty-akshamy.kz.
QR Ulttyq Olımpıada komıtetinen málim etkendeı, sportshylar 17-21 jas aralyǵyndaǵy topta synǵa túsken. Olar qarsylastaryna esh múmkindik qaldyrmaı, jeńiske jetti. Ekinshi oryndy Fransıa ıelense, qola medal Belarýs ókilderine buıyrdy.
Grachóv pen Barkov Óskemen qalasynyń ókilderi, Qazaqstan ulttyq quramasynyń músheleri. Fedor Býlýchevskıı men Igor Iakovlevtiń qol astynda jattyǵady.
Sportshylar 4 jyldan beri sınhrondy sekirýden synǵa túsip keledi. Bul - olardyń álem chempıonatyndaǵy alǵashqy medali.
Eske salaıyq, buǵan deıin 11-12 jastaǵylar arasynda akrobatıkalyq jolda sekirýden altyn medaldi qazaqstandyq Islam Qabdollov jeńip alǵan bolatyn.