Grýzıanyń Batýmı qalasy san túrli mádenıet pen órkenıetti toǵystyrǵan ortalyqqa aınaldy.
Batýmıde Azıa mádenıetine arnalǵan festıvál bastaldy. Sary qurlyq elderi bas qosqan bul sharada ár memleket óziniń ulttyq taǵamy men kıimin, ádet-ǵurpy men oıyn-saýyq dástúrin tanystyrdy, dep habarlaıdy Almaty-akshamy.kz 24.kz-ke silteme jasap.
«Men Batýmıge Qytaı shaıynyń qalaı daıyndalatynyn kórsetý úshin keldim. Festıvál qonaqtaryna biz usynǵan shaı men taǵamdar unaǵandaı boldy. Jalpy biz Grýzıada Azıa elderi taǵamdarynyń tanymal bolǵanyn qalaımyz. Mundaǵy maqsatymyz – Batýmıdiń ekonomıkasy órlep, týrızminiń túleýine kómektesý», - deıdi satýshy.
Festıváldiń negizgi ıdeıasy – dini men dili, kózqarasy men talǵamy bólek azamattarǵa tek Azıa elderine tán qundylyqtar men qasıetterdi kórsetý. Sonymen qatar aımaqqa kóptep týrıs tartýdyń bir joly.
«Festıvál 6 aımaqqa bólingen. Onyń ishinde tamaqtaný, oıyn-saýyq, kıno men taǵy da basqa alańdar bar. Keshkisin tegin konsert ótedi. Bul festıvál buǵan deıin Qytaı jerinde uıymdastyryldy. Endi, mine, Batýmıde shymyldyǵyn túrip, týrıserdi qarsy alyp otyr», - deıdi Azıa festıvalin uıymdastyrýshy Tatýlı Janjgava.
Aýqymdy shara qyrkúıektiń 30-yna deıin jalǵasady. Iaǵnı, Qara teńizdegi týrısik maýsymnyń eń tátti kezeńi aıaqtalǵanǵa deıin jumys isteıdi.