2023 jyldyń 12-16 jeltoqsan aralyǵynda Almatyda XI Halyqaralyq «Bastaý» stýdenttik jáne debúttik fılmder kınofestıvali ótedi.
Festıvál dástúrli túrde Tanaris Production jáne A-Team kınokompanıalarymen Almaty qalasy ákimdiginiń jáne QR Mádenıet jáne aqparat mınıstrliginiń qoldaýymen uıymdastyrylady, dep habarlaıdy almaty-akshamy.kz.
12 jeltoqsanda Abaı atyndaǵy Qazaq ulttyq opera jáne balet teatrynda festıvál saltanatty túrde rejıser Eldar Qaparovtyń «Soǵys tutqyny» tarıhı dramasynyń premerasymen ashylady.
Fılmdegi oqıǵanyń negizi ekinshi dúnıejúzilik soǵystan keıin keńestik tutqynda bolǵan japondyq jas jigit, ımperatorlyq mekteptiń kýrsanty Ahıko Tesýronyń shynaıy tarıhy men taǵdyry. Lagerde jas japondyq soǵystyń naǵyz batyry, Keńes Armıasynda qyzmet etken jáne Berlınge shabýyl jasaýǵa qatysqan qazaq jaýyngeri Aqajan kezdesedi. Ol keıin Japon soǵysyna jiberilip, onda jaraqat alyp, tutqynǵa túsken. Qaıtyp oralǵannan keıin Aqajan "satqyn jáne halyq jaýy" retinde sottalǵan…
Fılmdi prodúserler Borıs Cherdabaev jáne Álıa Ývaljanova bastaǵan halyqaralyq komanda túsrigen. Japondar jaqtan Sano Sındzú jáne Shýıchı Esımýra boldy. Basty keıipkerlerdiń rólderin Syrym Qashqabaev (Qazaqstan) jáne Eısaký Ogasavara (Japonıa) somdady.
Festıválge qatysý úshin Ispanıa, Fransıa, Rýmynıa, Polsha, Iordanıa, Úndistan, Grýzıa, Ózbekstan, Qyrǵyzstan jáne basqa da elderden 700-den astam ótinim kelip tústi.
Bıylǵy jyly Bastau DEBUTS debúttik tolyqmetrajdy kórkem fılmderiniń halyqaralyq baıqaýy erekshe qyzyǵýshylyq týdyrady, oǵan búkil álem boıynsha "A" klasyndaǵy iri kınofestıvalderge qatysqan 10 kartına kirdi. Munda Berlın kınofestıvalinde júldeli bolǵan ıspandyq «20 tysách porod pchól» kartınasy jáne 2023 jylǵy Kann festıvaliniń qatysýshylary - «Eslı by tolko ıa mog vpastv spáchký» (Mońǵolıa, Fransıa, Shveısarıa, Katar) jáne "Inshallah malchık" (Iordanıa, Katar, Saýd Arabıasy, Fransıa) fılmderi bar. Sonymen birge álemdik premerasy Berlınalede ótken reseılik «Kletka ıshet ptısý» fılmi, Ózbekstannan rejıser Shokır Holıkovtyń kóptegen halyqaralyq kınofestıvalderdiń jeńimpazy atanǵan «Jeksenbi» kınosy da qatysady. Al Qazaqstan atynan birden eki týyndy – Maksım Akbarovtyń «Step» jáne Dáýletjan Mahmuttyń "Globýs" atty fılmderi synǵa túsedi.
Barlyq kórsetilimder «Arman» kınoortalyǵynda ótedi. Kirý tegin.
Konkýrstan tys baǵdarlamalar da qyzyqtarǵa toly. Festıvál kezinde qysqametrajdy kórkem jáne derekti fılm jobalary rejıserlerine arnalǵan Almaty Film Lab sheberhanasy ótedi. Onda jeńimpazdardy aqshalaı syılyqtar kútedi (barlyǵy 7 mln teńge).
Festıvál qonaqtarynyń biri – áıgili brıtandyq prodúser Pol Brett bolmaq. Ol 30-dan astam túrli janrdaǵy tolyqmetrajdy fılmderdiń óndirisine qatysqan. Olardyń ishindegi eń tanymaly – rejıser Tom Hýperdiń «Oskar» syılyǵyn jeńip alǵan «Koról govorıt!» kartınasy, onda Pol atqarýshy prodúser bolyp jumys istegen. Pol festıvál aıasynda «Fılmińizdi álemge qalaı tanytýǵa bolady» taqyrybynda sheberlik sabaǵyn ótkizedi.
Sonymen qatar festıvál aıasynda áıgili amerıkandyq senarıst, prodúser jáne jazýshy Djeıms V. Harttyń senarı sheberligi boıynsha onlaın sheberlik sabaǵy ótedi. Óziniń uzaq mansabynda 76 jasqa kelgen Djeıms Stıven Spılbergtiń «Kapıtan Krúk» (1991), Frensısa Forda Koppolanyń «Drakýla» (1992), Robert Zemekıstiń «Kontakt» (1997), Ian de Bonttyń «Lara Kroft: Rasqıtıtelnısa grobnıs 2 — Kolybel jıznı» (2003), Brek Eısnerdiń «Sahara» (2005), Kersten Sherıdannyń «Avgýst Rash» (2007) jáne taǵy basqa belgili fılmderdiń senarılerin jazǵan.
Sondaı-aq, bıyl festıváldi alǵash ret Fransıanyń Qazaqstandaǵy elshiligi qoldap otyr. Osy yntymaqtastyq sheńberinde la CinéFabrique kınomektebiniń jáne DOCMONDE qaýymdastyǵynyń birqatar sheberlik synyptary men tusaýkeserleri, RUBIKA anımasıalyq mektebi (Fransıa) men T. Júrgenov atyndaǵy Qazaq ulttyq óner akademıasy jáne «Qazanımasıa» arasynda memorandýmǵa qol qoıylady.