Amerıkalyq jazýshynyń baspasóz hatshylaryna arnalǵan kitaby qazaq tiline aýdaryldy.
Týyndynyń tusaýkeseri Astanada ótti. Eńbek avtoryna Aqparat jáne qoǵamdyq damý mınıstri arnaıy quttyqtaý jibergen. «Sıfrlyq dáýirdegi baspasóz qyzmeti» qoǵammen baılanys salasynyń mamandaryna arnalǵan nusqaýlyq deýge bolady, dep habarlaıdy Almaty-akshamy.kz Qazaqstan.tv-ǵa silteme jasap.
Onda memlekettik organdardyń jumysy týraly durys aqparat berý, mekemeniń ashyqtyǵyn qamtamasyz etý jóninde keńester jazylǵan. Avtor Margerıt Hoksı Sallıvan kitapqa óz kózqarasymen qatar shetelderdiń úzdik tájirıbelerin qamtýǵa tyrysqanyn aıtty.
«Kitapty jazbas buryn jýrnalıserge arnalǵan kóptegen trenıńter, sheberlik saǵattary, mektepter bar ekenin, biraq baspasóz hatshylaryna qalaı jumys isteý keregin úıretetin eshkimniń joq ekenin túsindim. Jýrnalıser de, baspasóz hatshylary da bir maqsatta, ıaǵnı, halyqqa aqparat berý úshin jumys isteıdi. Sondyqtan, ol aqparattyń sapaly ári der kezinde berilýi úshin qoǵammen baılanys qyzmetiniń jumysyn jaqsartý kerek. Meniń kitabymnyń maqsaty osy», - deıdi jýrnalıs Margerıt Hoksı Sallıvan.