Qazaqstannyń bas sanıtar dárigeri Aıjan Esmaǵambetova revaksınalaýǵa qatysty jańa qaýlyǵa qol qoıdy, dep habarlaıdy Almaty-akshamy.kz Elorda.info-ǵa silteme jasap.
"Qazaqstannyń aýmaǵynda 3 jáne odan da kóp aı turatyn shetel azamattaryn qosa alǵanda, barlyq adamdar koronavırýsqa qarsy revaksınalaýǵa jatady", - delingen qaýlyda.
Koronavırýsqa qarsy revaksınalaý aldyńǵy profılaktıkalyq ekpeden keıin 6 aı aralyqpen koronavırýsqa qarsy vaksınalaýdyń tolyq kýrsyn jáne buryn birinshi revaksınalaýdy alǵan adamdarǵa júrgiziledi.
Revaksınalaý algorıtminiń 130-tarmaǵy tómendegideı redaksıalandy:
Koronavırýsty juqtyrý qaýpi joǵary (basymdylyǵy boıynsha) myna adamdar koronavırýsqa qarsy qaıta revaksınalaýǵa jatady:
- medısına qyzmetkerleri;
- medısınalyq-áleýmettik mekemelerdiń kontıngenti men personaly;
- kúsh qurylymdarynyń qyzmetkerleri;
- pedagogtar;
- penıtensıarlyq (qylmystyq-atqarý) júıe mekemeleriniń kontıngenti;
- 50 jastan asqan adamdar.
Osy qaýly 2022 jylǵy 25 mamyrdan bastap qoldanysqa engiziledi.