Bas sanıtar dáriger jańa qaýlyǵa qol qoıdy

Jańa qaýly

QR Bas sanıtar dárigeri Erlan Qıasovtyń Ashyq jobasyn engizý týraly jańa qaýlysy shyqty, dep habarlaıdy Almaty-akshamy.kz QazAqparat saıtyna silteme jasap

«Obektilerde Ashyq jobasyn engizý jáne iske asyrý jalǵastyrylsyn», - delingen E. Qıasov qaýlysynda.

Osy oraıda qujatta adamdar kóptep jınalatyn 40-qa jýyq nysan belgilengen:

1) ıoga ortalyqtaryn qosa alǵanda, fıtnes-klýbtary;

2) spa-ortalyqtary;

3) monshalar, saýnalar, baseınder;

4) PlayStation klýbtaryn qosa alǵanda, kompúterlik klýbtar;

5) boýlıń klýbtary;

6) kınoteatrlar;

7) teatrlar men fılarmonıalar;

8) strıt-fýdtardy qospaǵanda, qoǵamdyq tamaqtaný obektileri, jazǵy alańdar, banket zaldary;

9) asqana tıpindegi qoǵamdyq tamaqtaný obektileri;

10) oblysaralyq jáne qalalyq turaqty emes (týrısik) tasymaldar;

11) oblysaralyq jáne oblysishilik turaqty tasymaldar;

12) bılárd klýbtary;

13) konsert zaldary;

14) erikti qatysýshylar;

15) karaoke;

16) kórmeler;

17) okeanarıým;

18) marafondar;

19) kórermender qatysatyn sporttyq is-sharalar;

20) áýejaılar;

21) lotereıa klýbtary jáne lotereıa satatyn ózge de oryndar;

22) balalardyń (jabyq) oıyn-saýyq ortalyqtary;

23) sırkter;

24) otelder, qonaq úıler;

25) halyqqa qyzmet kórsetý ortalyqtary;

26) temirjol vokzaldary jáne avtovokzaldar;

27) (jabyq) bazarlar, saýda-oıyn-saýyq ortalyqtary, saýda úıleri, (azyq túlik emes) saýda jelileri;

28) saýda alańy 6000 sh.m-den asatyn (azyq-túlik) saýda jelileri;

29) balalardy saýyqtyrý ortalyqtary (jumyskerler (personal) úshin);

30) býkmekerlik kontoralar;

31) sulýlyq ortalyqtary men salondary, shashtarazdar, manıkúr men pedıkúr qyzmetterin kórsetý, kosmetıkalyq jáne kosmetologıalyq qyzmetter kórsetý salondary;

32) barlyq menshik nysanyndaǵy jáne vedimistik baǵynystaǵy bilim berý uıymdary (pedagogtar, personal, ata-analar (zańdy ókilderi), kelýshiler, 18 jastaǵy jáne odan asqan bilim alýshylar úshin (ata-analarynyń nemese zańdy ókilderiniń ruqsatymen 12 jastan bastap balalarda QR-kodty skanerlep, erikti túrde tirkele otyryp));

33) sport keshenderi, sporttyq-saýyqtyrý ortalyqtary;

34) bilim berý uıymdarynda bilim alýshylardyń turýyna arnalǵan jataqhanalar men ınternattar (pedagogtar, personal, ata-analar (zańdy ókilderi), kelýshiler, bilim alýshylar úshin);

35) dinı obektiler; 36) oıyn klýbtary (kazıno);

37) «Qorǵas» shekara mańy yntymaqtastyǵy halyqaralyq ortalyǵy;

38) túngi klýbtar;

39) bankter, «Qazpochta» AQ bólimsheleri.

Qaýlynyń tolyq mátinin myna jerden kóre alasyzdar.