Mal baǵasyn qoldan kótermeýge shaqyrdy.
Qurban aıt merekesi qarsańynda Bas múftı Naýryzbaı qajy Taǵanuly kásipkerlerge úndeý jasady, dep habarlaıdy Almaty-akshamy.kz QMDB Baspasóz qyzmetine silteme jasap.
«Biz qashanda ózgelerge qaıyrymdylyq jasap, aınalamyzǵa shýaǵymyzdy tógip, úlkenderdiń alǵysy men batasyn alyp, ósip-óngen elmiz. Halqymyzda «Qaıyrymdylyq jasasań – qaıyryn óziń kóresiń» degen naqyl sóz bar. Paıǵambarymyz Muhammed (oǵan Allanyń salaýaty men sálemi bolsyn): «Kimde kim baýyrynyń qajetin ótese, Alla onyń qajetinde bolady. Kimde kim musylmannyń bir qaıǵysyn seıiltse, Alla onyń qaıǵy-qasiretteriniń birin seıiltedi», – degen.
Osy rette elimizdegi barsha kásipker azamattardy Qurban aıttyń qurmetine mal qunyn qoldan kótermeı, halyqtyń áleýmettik jaǵdaıyn eskerip, ońtaıly baǵa usynýǵa, jurtymyz kúnde tutynatyn azyq-túlikke múmkindiginshe jeńildik jasaýǵa shaqyramyn. Qurban aıtty atap ótýdiń negizgi maqsaty – musylmandar arasynda ózara meıirimdilik, jomarttyq, qaıyrymdylyq, qanaǵat syndy adamgershilik qundylyqtardy qalyptastyrý. Allanyń raqym nury tógiletin berekeli sátterde halqymyzǵa jaqsylyq jasap, kópshiliktiń rızashylyǵyna bóleneıik» dep atap ótti Naýryzbaı qajy Taǵanuly.