«Almaty qalasy mýzeıler birlestigi» qala kúnine oraı «Men Almaty tarıhyn bilemin» atty baıqaý ótkizip jatyr. Baıqaýǵa Almaty qalasynyń jalpy bilim berý mektepteriniń, lıseı jáne gımnazıalarynyń joǵary synyp (9-11 synyp) oqýshylary qatysa alady.
Baıqaý eki kezeńnen turady: birinshi kezeń: baıqaýǵa qatysýshylar Almaty qalasynyń tarıhy týraly ocherk (esse) jazady. Jazylǵan ocherkter (esseler) 2-12 qyrkúıek aralyǵynda baıqaýdyń (museumalmaty@mail.ru) elektrondy poshtasyna qabyldanady. Jumysty ǵalym, tarıhshy, arheolog jáne mádenıet qaıratkerlerinen qurylǵan komısıa baǵalaıdy.
Ekinshi kezeń: Eń úzdik 30 jumystyń ıegerleri 14 qyrkúıekte Almaty qalasy tarıhynyń negizgi máseleleri, oqıǵalary men erekshelikterin anyqtaıtyn test tapsyrady. Upaı sany teń túsken jaǵdaıda, jeńimpaz suhbattasý arqyly anyqtalady (formaty: suraq-jaýap).
Jeńimpazdar men júldegerlerge qundy syılyqtar tabystalady:
birinshi oryn – Iphone 14 Pro;
ekinshi oryn – Apple iPad Air 2022;
úshinshi oryn – Apple AirPods Pro 2nd generation.
Tolyq aqparatty myna nómirler arqyly ala alasyzdar:
272-43-21, 267-59-05
8 700 653 98 82