Búgingi tańda jasyl jelekterdiń jalpy aýdany 1,3 myń ga quraıdy.
Aǵymdaǵy jaǵdaı Almatyda jasyl aımaqtar qalanyń barlyq aýdandarynda damymaǵanyn kórsetedi, dep habarlaıdy Almaty-akshamy.kz
Bas josparda Almatynyń jasyl jeleek qoryn keńeıtý maqsaty aıqyndalǵan. Ol úshin kelesi jyldyń sońyna deıin 8 jańa saıabaq qurylyp, qoldanystaǵy 13 saıabaq abattandyrylady.
Bıylǵy jyly 340 myń aǵash otyrǵyzý, 17 myń apatty jáne qýraǵan aǵashtardy buzý, 2,8 mln. aǵashty bıoóńdeý, aýdany 30 ga bolatyn eki pıtomnık qurý josparlanǵan.
Bul sharalar kóshetterdiń ómir súrý deńgeıin 90%-ǵa deıin (2022 j. - 70%) jáne jasyl ekpelerdiń aýmaǵyn 12,6 sh.m/adamǵa deıin arttyrýǵa múmkindik beredi.
Memleket basshysynyń 3,3 mln aǵash otyrǵyzý jónindegi tapsyrmasyn oryndaý sheńberinde 2025 jylǵa qaraı – 1,2 mln aǵash, 2030 jylǵa qaraı – 1,3 mln aǵash, al 2040 jylǵa qaraı – 3,3 mln aǵash otyrǵyzylatyn bolady.
Sondaı-aq, kógaldandyrý aýmaqtaryn keńeıtý arqyly jańa jasyl aımaqtar qurý josparlanýda. 2030 jylǵa qaraı kógaldandyrylǵan aýmaqtardyń jalpy aýdany 3340 gektarǵa, al 2040 jylǵa qaraı 3840 gektarǵa jetýi kerek.
2025 jylǵa deıin 1200 dızeldi avtobýstardy gazǵa jáne elektr tartqyshqa aýystyrý josparlanýda, 2 jańa gaz avtoparki, 5 jańa gaz quıý stansıasy paıdalanýǵa berilip, 200 birlik kóleminde troleıbýs parki jańartylady.
2025-2030 jyldar kezeńinde jeke jáne qoǵamdyq elektr kóligi úshin zarádtaý ınfraqurylymy jelileri qurylatyn bolady.
Sondaı-aq, 2-JEO-ny kezeń-kezeńimen gazdandyrý atmosferaǵa shyǵaryndylardy jylyna 2,5 myń tonnaǵa deıin tómendetýge múmkindik beredi (jylyna 33,5 myń tonnaǵa tómendeý).
Qabyldanǵan sharalar qalanyń ekologıalyq ahýalyn jáne qala turǵyndarynyń jaılylyǵyn jaqsartýǵa múmkindik beredi.