Shaıbaly hokeıden elordalyq «Barys» komandasynyń aldaǵy maýsymǵa daıyndyq jospary belgili boldy, dep habarlaıdy Almaty-akshamy.kz.
Elordalyq klýb demalystan 16 shildede shyǵady.
Eki kún boıy oıynshylar medısınalyq tekseristen ótedi. Al 19 shilde kúni test tapsyrý josparlanǵan. Odan keıin 20 shilde - 8 tamyz aralyǵynda Astanada oqý-jattyǵý jıyndarynyń birinshi kezeńi bastalady, dep jazdy QazAqparat.
Komanda 10-14 tamyz aralyǵynda Reseıdiń Qazan qalasynda ótetin «TANECO Kýbogyna» qatyssa, 20-25 tamyz kúnderi Ombydaǵy týrnırde baq synaıdy.
Bıyl elordada Qazaqstan Respýblıkasy Prezıdentiniń Kýbogy týrnıri ótpeıdi. Oǵan basty sebep retinde qatysýshylar sany az ekeni aıtylyp otyr.
Sondaı-aq, 28-31 tamyz aralyǵynda elordada oqý-jattyǵý jıyndarynyń sońǵy kezeńi bolady.
Qurlyqtyq hokeı lıgasynyń jańa maýsymy 1 qyrkúıekte bastalady dep josparlanyp otyr.