Jerlester jankúıerler úmitin aqtady
Qurlyqtyq hokeı lıgasynyń kezekti týrynda «Barys» elordada «Avtomobılıst» (Ekaterınbýrg) komandasymen aıdynǵa shyqty, dep habarlaıdy Almaty-akshamy.kz
Shyǵys konferensıada «Barys» pen «Avtomobılıst» sáıkesinshe segizinshi, toǵyzynda orynda edi. Sondyqtan úzdik segizdikke iligý úshin bul machtyń mańyzy zor bolatyn.
«Barystyń» mergen shabýylshylary Nıkıta Mıhaılıs pen Kertıs Volk osyǵan deıin tórt oıyn boıy gol soǵa almasa, bul joly qanjyǵalary maılandy. 4-mınýtta N.Mıhaılıs Kertıs Volk pen Egor Shalapovtyń pasynan keıin esep ashty. Kóp uzamaı aıdynnan qýylǵan Dmıtrıı Gýrkovtyń shyǵýyna bir sekýnd qalǵanda, qonaqtardan Stefan Da Kosta san basymdylyǵyn paıdalanyp ketti – 1:1. Degenmen Iakob Lılá men N.Mıhaılıs uıymdastyrǵan ádemi shabýyldan soń K.Volk esepti 2:1-ge jetkizdi. Ekinshi kezeńde aıdyn ıeleri úsh márte san basymdylyǵyn paıdalana almady. Kerisinshe,
sondaı sátte Anatolıı Golyshev tarazy basyn teńestirip ketti – 2:2.
Úshinshi kezeńde de, overtaımda da osy esep ózgermegennen keıin kezdesý taǵdyry býllıt serıasynda sheshildi. Munda Iakýb Lılá men Lınden Veı qaqpany dál kózdedi. Mach barysynda elordalyqtardyń qaqpashysy Ionı Ortıo kóptegen soqqyny qaıtara aldy.
Osylaısha «Barys» mańyzdy eki upaıǵa ıe bolyp, segizinshi oryndy saqtap qaldy. Iýrıı Mıhaılıstiń shákirtteri bıylǵy jyldyń eń sońǵy oıynyn 29 jeltoqsan kúni elordada Shyǵys konferensıasynda úshinshi orynda kele jatqan «Salavat Iýlaev» (Ýfa) komandasymen ótkizedi.
Aıta keteıik, budan buryn «Barystyń» «Traktor» komandasynan utylǵanyn, elordada «Avtomobılısti» qabyldaıtynyn jazǵan bolatynbyz.