Ortalyq saılaý komısıasynyń tóraǵasy Nurlan Ábdirov osylaı dep málimdedi.
Oblystarda, Astana, Almaty men Shymkent qalalarynda 86 saılaý ýchaskeleri tańǵy saǵat 6:00-de ashylady, dep habarlaıdy Almaty-akshamy.kz
Qazirgi kezde respýblıka boıynsha barlyq saılaý ýchaskesi daıyn. Al úsh qalanyń aýmaqtyq komısıalary saılaýdy bir saǵat buryn bastaýǵa sheshim qabyldady.
«Oblystardyń, Astana, Almaty men Shymkent qalalarynyń aýmaqtyq saılaý komısıalary usynǵan jedel málimetter boıynsha, tıisti aýmaqtyq saılaý komısıalarynyń sheshimderimen 86 saılaý ýchaskesinde daýys berý jergilikti ýaqyt boıynsha tańǵy 6:00-de bastalady», - dedi Ábdirov komısıanyń búgingi otyrysynda.
Onyń aıtýynsha, qala quraýshy kásiporyndardyń aýysymdyq jumys kestesi de eskeriledi.
Aıta keteri, búgin saılaýaldy úgit-nasıhattyń sońǵy kúni bolyp sanalady. Erteń - tynyshtyq kúni. Al 20 qarashada prezıdenttik saılaý bastalady.