1 maýsymda ótinim qabyldaý josparlanyp otyr
«Baqytty otbasy» baǵdarlamasyna qatysatyn adamdardyń sany artty. Bul jóninde Ortalyq kommmýnıkasıalar qyzmetinde ótken brıfıńte aıtyldy, dep habarlaıdy Almaty-akshamy.kz Almaty.tv-ge silteme jasap.
Qazir bul baǵdarlama aıasynda úsh sanatqa kiretin adamdar baspana ala alady. Olar – kópbalaly, tolyq emes jáne múgedek balany tárbıelep otyrǵan otbasylar. Endi aldaǵy ýaqytta jetim jáne I-II toptaǵy múgedek jandar da qatysýǵa múmkindik alady. Bıyl «Baqytty otbasyna» 51 mıllıard teńge bólingen. Osy aqshaǵa shamamen 5 000 adamǵa 2 prosenttik ıpoteka beriledi.
«Bıyl biz «Baqytty otbasy» baǵdarlamasyn shamamen 15 maýsymda bastaımyz. 1 maýsymda ótinim qabyldaýdy iske qosamyz dep josparlaǵanbyz. Biraq búginde turǵyn úı tólemderin sýbsıdıalaý jobasyn aıaqtaý qajet. Sondyqtan «Baqytty otbasy» baǵdarlamasyn shegerýge sheshim qabyldadyq», – dedi «Otbasy bank» AQ Basqarma tóraıymy Lázzat Ibragımova.