Almaty ákimi Baqytjan Saǵyntaev Qala tirshiligin qalypqa keltirý shtabymen jıyn ótkizdi, dep habarlaıdy Almaty-akshamy.kz
Jıynnyń ashylýynda ákim qala turǵyndaryna sabyrlyq pen batyldyq tanytyp, tártip ornatýǵa yqpal etkeni úshin alǵys bildirdi.
- Ýaqytyly qoldanylǵan sharalardyń arqasynda sodyrdardyń kúshteri talqandaldy. Qazir qala tirshiligin qalpyna keltirý boıynsha qalalyq shtab táýlik boıy jumys istep jatyr. Qala aqyryndap burynǵy qalpyna oralyp jatyr. Barlyq aýdanda aýmaqty tazartý jumysy júrgizilip jatyr. Osy kúnderi qalanyń tirshiligi úshin qamtamasyz etý qyzmetteri úzdiksiz jumys istedi. Turǵyndarǵa sý, jylý jáne gaz berý shtatty rejımde jumys istep tur, - dedi B.Saǵyntaev.
Ákim sondaı-aq qalany azyq-túlikpen qamtamasyz etý qalpyna keltirilip jatqanyn jetkizdi.