Almaty ákimi Baqytjan Saǵyntaev jumys sapary kezinde Medeý aýdanyndaǵy joldardy jóndeý jáne qoǵamdyq oryndardy abattandyrý qarqynyn tekserdi, dep habarlaıdy almaty-akshamy.kz
Eki shaǵynaýdanda ınjenerlik jáne jol ınfraqurylymy máseleleri tolyq derlik sheshildi. "Muztaý" shaǵynaýdanynda elektr jelileri jańartylyp, olar 6-dan 10 kV-qa aýystyryldy. 17 shaqyrym sý qubyry men káriz jelisi tartyldy, oǵan 274 úı qosylady. Beıseýov kóshesin jóndeý men asfálttaý jumystary aıaqtalýǵa jaqyn. Kereı-Jánibek handar dańǵylynan İle Alataýy ulttyq tabıǵı parkiniń ekopostyna deıingi joldyń uzyndyǵy 4,6 shaqyrymdy quraıdy.
Baqytjan Saǵyntaev 14,6 shaqyrymǵa jýyq sýmen jabdyqtaý jáne káriz jelileriniń qurylysy aıaqtalǵannan keıin joldar qalpyna keltirilip jatqan "Kólsaı" shaǵynaýdanynda boldy. Elektr jelileri qýatty jelilerge deıin jańartyldy, bul elektrmen jabdyqtaý senimdiligin arttyrdy. 3,7 shaqyrym joldy qalpyna keltirý jumystary júrgizilip jatyr. «Balqash» sý qabyldaǵyshynan "Kólsaı" shaǵynaýdanyna deıingi magıstraldy jeli salý boıynsha joba ázirlenýde. 310 úı ornalasqan 6 kósheniń boıy jaryqtandyryldy.
Esentaı ózeniniń boıynda sý bólgishten bastap, Jamaqaev kóshesine deıin densaýlyqqa arnalǵan jaıaý júrginshi jolyn salý jalǵasyp jatyr. Onyń uzyndyǵy 4,2 shaqyrym. Jańa Tereńqur qazirdiń ózinde tartymdy orynǵa aınalǵan. Syrtqy jaryqtandyrý tirekteri jáne shaǵyn sáýlettik pishinder, sonyń ishinde qoqys jáshikteri, oryndyqtar ornatylady. Munda balalar oıyn jáne sport alańdary, jaıaý júrginshiler kópirleri men qaraý alańdary bolady. Sondaı-aq uzyndyǵy 6 shaqyrym bolatyn sý bólgishten Medeýge deıin jaıaý júrginshiler aımaǵynyń qurylysyn jalǵastyrý jobasy ázirlenýde.
Omarova kóshesinde Dostyq dańǵylynan Kóktóbege deıin jaıaý júrginshiler aımaǵynda jóndeý jumystary júrgizilýde. Sonymen qatar bul jerde joldy ortasha jóndeý jumystary júrgiziletin bolady. Baqytjan Saǵyntaev jol jóndeý jáne abattandyrý boıynsha jumystardyń sapasy men merzimin baqylaýdy tapsyrdy.
