Jumys sapary kezinde Almaty ákimi Baqytjan Saǵyntaev jańa qalalyq serýendeý aımaǵynyń qurylysymen tanysty, dep habarlaıdy Almaty-akshamy.kz.
Megapolıs ákimi Instagram-daǵy akkaýntynda qurylystyń keıbir tetikterimen bólisti.
«Esentaı ózenindegi jańa qalalyq promenad ajarlana tústi. Birinshi ýchaskede uzyndyǵy 1,8 km jaıaý júrginshiler jolyn retteý men jaǵalaýdy bekitý jumysy aıaqtaldy. Esentaı ózeniniń arnasy boıyndaǵy jaıaý júrginshiler aımaǵynyń jalpy uzyndyǵy, sý bólgishten Jamaqaev kóshesine deıin 4,2 km», - dep jazdy Baqytjan Saǵyntaev.
Onyń aıtýynsha, jaǵalaýǵa jaryq shamdary ornatyldy, oıyn jáne sport alańdary jasaldy.
«Kógaldandyrýdy bastap, 3 myńnan astam buta men 3 myń sharshy metr jýyq jerge kópjyldyq ósimdikterdi egemiz. Qaraǵaı, shar tektes akasıa men úıeńki, arsha men lavanda erekshe mıkroklımat ornatyp, aýaǵa fıtonsıd bóledi. Aǵashtan jasalǵan 800 m jaıaý júrginshi joly men 1,6 km tas joly salyndy», - dep atap ótti qala ákimi.
Baqytjan Saǵyntaev ózenniń kórý alańdaryn jasaýdy jáne ekologıalyq taza materıaldardan jasalǵan oryndyqtardy qoıý qajettigine nazar aýdardy.
«Bul jer almatylyqtardyń súıikti oryndarynyń birine aınalatynyna senimdimin», - dep jazdy Almaty ákimi.
Qalalyq Jasyl ekonomıka basqarmasynyń basshysy Natalá Lıvınskaıanyń aıtýynsha, ótken jyly bastalǵan jaıaý júrginshiler aımaǵynyń qurylysy kúrdeli tabıǵı landshaftpen kúrdelengen.
«Bul jerdegi Esentaı ózeniniń aǵysy asa tolqyndy, ásirese sý tasqyny kezinde. Sondyqtan, Almaty qalasynyń ákimi B. Saǵyntaev serýendeý aımaǵyn uıymdastyrý jáne osy jerdiń tabıǵı ortasyn barynsha saqtaı otyryp, ózen arnasyn nyǵaıtý mindetin qoıdy», - dep atap ótti N. Lıvınskaıa árbir bólshek sarapshylarmen muqıat talqylanatynyn aıtty.
Jańa jobanyń arqasynda ál-Farabı dańǵylynan Esentaı ózeniniń buryn abattandyrylǵan jaǵalaýy sý bólgishke deıin, al bolashaqta odan da joǵary Medeýge deıin sozylady. Osylaısha, qala turǵyndary yńǵaıly jaǵdaıda qaladan taýǵa serýendeı alady.
«Almaty ózenderi - bul qalanyń biregeı qazynasy, biz olardyń boıynda azamattardyń belsendi jáne paıdaly demalýy úshin jaıly qoǵamdyq keńistikter jasaımyz. Eger qalada Esentaı ózeniniń jaǵalaýy ýrbanıstik sıpatqa ıe bolsa, onda biz Jamaqaevtyń ústindegi ýchaskede ony bútin, úılesimdi túrde ornatylǵan oryndyqtar men belsendi demalys oryndaryn saqtaýǵa tyrystyq», - dep atap ótti basqarma basshysy.
Qalalyq keńistikti damytý jónindegi sarapshy Darhan Turtaev megapolıs úshin jaıaý júrginshiler aımaǵynyń damýy mańyzdy ekenin, óıtkeni olar onyń ár túrli bólikterin baılanystyryp, qalalyqtardyń ózara árekettesýine kómektesetinin, olardy biriktiretinin atap ótedi.
«Úlken qalada ár túrli qoǵamdyq klasterler bar, mysaly, turǵyndardyń ishki aınalymy bar jeke sektor. Másele mynada, olar qalanyń jalpy dınamıkasymen jaqsy baılanyspaıdy. Esentaı sıaqty jaıaý júrginshiler aımaǵyn qurý jaıaý júrginshiler qozǵalysyn damytady, bul jergilikti keńistiktiń damýyna oń áser etedi», - deıdi D. Turtaev.
Jańa keńistiktiń negizgi fýnksıonaldyǵy – bul jaıaý júrý jáne sport. Qosymsha kógaldandyrý ony jańartýǵa múmkindik beredi, al stılısıkalyq tańdalǵan elementter biregeı qoǵamdyq aımaqty quraıdy. Ýaqyt óte kele jańa terenkýr turǵyndardyń ǵana emes, sonymen qatar týrıser úshin de tartymdy bolady dep nyq senim bildirdi sarapshy.