KVI jaǵdaılaryn tirkeý 1,5 esege ósti.
Megapolıs ákimi Baqytjan Saǵyntaevtyń tóraǵalyǵymen ótken jumys keńesinde aǵymdaǵy epıdemıologıalyq ahýal qaraldy, koronavırýs ınfeksıasy jańa tolqynynyń aldyn alý jáne vırýstyń odan ári taralýyn eskertý máseleleri talqylandy, dep habarlaıdy Almaty-akshamy.kz.
Bir apta ishinde, ótken kezeńmen salystyrǵanda, KVI jaǵdaılaryn tirkeý 1,5 esege ósti, 5901-den 9077 jaǵdaıǵa deıin ulǵaıdy, kúndelikti ósim 1,7%-dy qurady. 23 shildeden bastap KVI-diń táýliktik tirkelýi 1 myń jaǵdaıdan asty, aǵymdaǵy aıda 22 498 jaǵdaıdy qurady. Bul jyl basynan beri 30 shildedegi 78 283 tirkelgen jaǵdaıdyń 29%-yn quraıdy.
Almatyda kezekti, COVID-19 tórtinshi tolqynynyń shyrqaý shegi tamyzdyń ortasyna kútilýde, qyrkúıektiń basynda tómendeýi múmkin. Sońǵy 7 kún ishinde sımptomdy naýqastardyń úles salmaǵy artýda ári 90,7%-dy quraıdy. Bul COVID-19 qozdyrǵyshtarynyń arasynda «delta» nusqasynyń basymdyǵyn kórsetedi.
Qalanyń SEBD-niń basshysyna elimizdiń bas memlekettik sanıtarlyq dárigeriniń qaýlysyna sáıkes tıisti sharalar qabyldaý tapsyryldy. Megapolıste koronavırýs ınfeksıasynyń taralý qarqynyn boldyrmaý úshin karantındik sharalardy kúsheıtý qajet.
Almaty ákimi komýnaldyq kásiporyndar men bıznes-qaýymdastyqtar ujymdaryn vaksınalaýdy kúsheıtýdi tapsyrdy. «Atameken» UKP birlesip bıznes-qoǵamdastyq ókilderimen túsindirý jumystaryn júrgizý qajet, munda qyzmet kórsetetin kompanıalar men qoǵamdyq tamaqtandyrý oryndaryna jiti nazar aýdarǵan jón.