Fýtboldan Qazaqstan ulttyq quramasynyń oıynshysy Baqtıer Zaınýtdınov 2024 jylǵy Eýropa birinshiliginiń irikteý týrnırinde San-Marıno jáne Slovenıamen ótetin machtarǵa qatysa almaıdy, dep habarlaıdy almaty-akshamy.kz.
Qazaqstan fýtbol federasıasynyń baspasóz qyzmetinen málim etkendeı, Baqtıer «Beshıktash» – «Ystambul Bashakshehır» machynda muryn súıegi men kóz uıasynyń negizin syndyryp alǵan.
Onyń emdelýine keminde 2-3 apta ýaqyt ketedi.
«Jospar boıynsha Baqtıer Zaınýtdınov ulttyq qurama sapyna búgin qosylýy kerek bolatyn. Ókinishke qaraı, oqý-jattyǵý jıynyna jáne sheshýshi eki oıynǵa bara almaıdy. Bárimiz Bahaǵa bar qoldaýymyzdy kórsetip, tezirek saýyǵyp ketkenin tileıik, dostar!» dep jazady federasıanyń baspasóz qyzmeti.