Almatyda 11 jeltoqsan kúni BAQ qyzmetkerleri arasynda «Vechernıı Almaty» gazetiniń 85 jyldyǵyna oraı Qazaqstan Respýblıkasy Táýelsizdiginiń 30 jyldyǵyna arnalǵan bılárdtan týrnır ótedi.
Shyǵarmashylyq kásiptiń ókilderi qalam men mıkrofondy bılárd taıaqshasyna, al aqparattyń dáldigin oıyn sharlarynyń dál túsý dáldigine almastyratyn bolady. Atalǵan týrnır – aǵymdaǵy jyl sońynda oryn alatyn erekshe oqıǵalardyń biri. Doda «Alataý Aqparat» JSHS – «Vechernıı Almaty» jáne «Almaty aqshamy» gazetteriniń uıymdastyrýymen júzege asady. Týrnırdiń bas demeýshisi – «Qazaqstannyń qurylys salasynyń odaǵy» ZTB.
Jarysta qalalyq jáne respýblıkalyq gazetterdiń, televızıalyq arnalardyń jáne aqparattyq portaldardyń ókilderi baq synaıdy. Týrnır halyqaralyq pıramıda komıtetiniń qoldanystaǵy erejelerine sáıkes «erkin pıramıda» nemese «amerıkandyq» oıyn boıynsha ótkiziledi. Týrnır oıyndaryn tikeleı ótkizý Qazaqstan Respýblıkasy bılárd sporty federasıasynyń tóreshiler alqasyna júkteledi.
Qaladaǵy eń baıyrǵy basylymdardyń biri - «Vechernıı Almaty» tek ýaqytpen qatar qadam basyp qana qoımaı, megapolıstiń ózindik sımvoly bolyp qalyptasty. 1936 jyly jaryq kórgen birinshi nómirden bastap osy kúnge deıin halyq gazeti qalalyq oqıǵalardy jarıalaýǵa belsendi qatysyp qana qoımaı, megapolıstiń ómirine de erekshe úles qosýda.
Atap aıtqanda, aǵash otyrǵyzý, jalpyqalalyq senbilikterge qatysý, Medeýde «densaýlyq baspaldaqtary» boıynsha sporttyq júgiristerdi uıymdastyrý jáne qala turǵyndary men túrli basylymdardaǵy áriptesterdi biriktiretin basqa da is-sharalar. BAQ qyzmetkerleri arasyndaǵy bılárd boıynsha bıylǵy týrnır osynyń taǵy bir dáleli bolmaq.
İs-shara jeńimpazdaryn biregeı kýboktar men baǵaly syılyqtar kútedi. Sondaı-aq, áriptesterimizge yntalandyrý syılyqtary tabystalady