Bankrot dep tanylǵan azamattarǵa taǵy qandaı shekteýler bar?
Bul týraly QR Qarjy birinshi vıse-mınıstri Marat Sultanǵazıev málim etti, dep habarlaıdy Almaty-akshamy.kz QazAqparatqa silteme jasap.
«Bankrot bolyp tanylǵan tulǵalardyń bereshekteri shegerilgenimen, olarǵa qatysty birqatar shekteýler de bolatyndyǵyn atap ótkim keledi. Iaǵnı, bankrot dep tanylǵannan keıin onyń saldaryna da nazar aýdarý qajet. Zań jobasynda bankrot dep tanylǵan azamattarǵa 5 jyl boıy qaryzdar, nesıeler alýǵa tyıym kózdelgen. Sonymen qatar azamat 3 jyl boıy emdelýdi, jaqyn týystaryn emdelýge ertip júrýdi nemese jerleýge barýdy qospaǵanda, elden tys jerlerge shyǵa almaıdy», - dedi ol Ortalyq komýnıkasıalar qyzmetindegi brıfıń barysynda.
Onyń atap ótýinshe, azamattar 7 jyldan keıin ǵana bankrottyqty qaıta qoldana alady.
«Sondyqtan azamat ózin bankrot dep jarıalaýdan buryn yqtımal saldary jáne ary qaraı qandaı kózder esebinen ómir súre alatyny týraly oılaný qajet. Jalpy, bankrottyqty qoldaný jeke tulǵalarǵa boryshtyq júktemesinen qutylýǵa jáne belsendi ekonomıkalyq qyzmetin júrgizýdi bastaýǵa múmkindik beredi», - dedi Marat Sultanǵazıev.