18 jeltoqsanda Abaı alańynda jańa jyldyq merekelerdiń resmı bastalýyn bildiretin dástúrli qalalyq mádenı shara – Almaty qalasynyń bas shyrshasynyń shamdaryn jaǵý rásimi ótedi, dep habarlaıdy aqshamnews.kz
Qalanyń bas shyrshasynyń bıiktigi 22 metr quraıdy. Ony bezendirý úshin 7 kılometrlik jańa jyldyq gırlándalar, sondaı-aq kóp túrli jarqyn dekoratıvtik elementter, iri jáne usaq shyrsha sharlary, taqyryptyq jańa jyldyq oıynshyqtar jáne syılyq ılúmınasıalary paıdalanylǵan.
Qala turǵyndary men qonaqtary úshin zamanaýı mýltımedıalyq tehnologıalar, aýqymdy jaryq elementterimen bezendirý men qazaqstandyq estradanyń tanymal ártisteriniń qatysýymen ótetin merekelik konserttik baǵdarlama uıymdastyrylady.
Keshtiń mańyzdy sáti – qala turǵyndary men qonaqtarynyń jáne jańa jyldyń basty keıipkeri Aıaz Atamen birge qalanyń bas shyrshasynyń shamdaryn saltanatty túrde jaǵý rásimi bolmaq. Konserttik kesh aıasynda Aıaz Ata men Aqshaqar qala turǵyndaryn kele jatqan Jańa jylmen quttyqtap, kórermenderge arnalǵan ınteraktıvti jáne oıyn-saýyq baǵdarlamalaryn usynady.
Merekelik keshtiń ashylýy qazaqstandyq estrada juldyzdary, shoý-balet ártisteri men mánerlep syrǵanaýshylar oryndaıtyn «Kel, Jańa jyl!» atty vokaldy-horeografıalyq qoıylymymen bastalady.
Sonymen qatar, konserttik baǵdarlama aıasynda Qazaqstannyń Halyq ártisi Roza Rymbaeva, Alı Oqapov, Mádı Rymbaev, «KeshYOU», «Jigitter», «Astra» toptary, Baljan Bıdash jáne Kodi syndy tanymal oryndaýshylar óner kórsetedi.
Sondaı-aq, qaladaǵy barlyq segiz aýdanynda jańa jyldyq shyrshalardyń shamdaryn jaǵýǵa arnalǵan saltanatty rásimder ótedi. Barlyq is-sharalar 18 jeltoqsanda saǵat 19:00-de kelesi mekenjaılarda uıymdastyrylady:
Jetisý aýdany – «Gúlder» saıabaǵy (Serikov kóshesi, 2A);
Bostandyq aýdany – «Atakent» KİYO;
Áýezov aýdany – «Family Park»;
Medeý aýdany – «28 gvardıashy-panfılovshylar atyndaǵy saıabaq»;
Alataý aýdany – «Almaty Arena» sport kesheni;
Naýryzbaı aýdany – Shuǵyla shaǵynaýdany, 347 (amfıteatr);
Túrksib aýdany – №6 Oqýshylar úıi (Seıfýllın kóshesi, 13/1);
Almaly aýdany – Abaı atyndaǵy opera jáne balet teatry alańy.