Qurmetti almatylyqtar!
Búgin 9 aqpannan bastap, 10 aqpannyń tańyna deıin Almaty qalasynda qar jaýady dep kútilýde. Aýa temperatýrasy kúndiz 0...-2, túnde -4...-6. Tuman, joldarda kóktaıǵaq.
Kóktaıǵaqtyń aldyn alý maqsatynda 204 qumshashqysh kólikterdiń kezekshiligi uıymdastyrylady. Qar tazalaý jumystaryna barlyǵy 624 birlik arnaıy tehnıka men 1538 jol jumysshysy jumyldyrylady.
Muz qatqan jaǵdaıda jol boıynda, trotýarlarda kóktaıǵaq bolýy múmkin. Sondyqtan turǵyn úı saıasaty basqarmasy avtoáýesqoılar men jaıaý júrginshilerden saqtyq sharalaryn saqtaýdy ótinedi.
Júrgizýshilerge jyldamdyqty asyrmaı, ara qashyqtyqty saqtaýǵa jáne kenetten manevr jasamaýǵa keńes beremiz. Jaıaý júrginshiler trotýarlarda júrgen kezde kóktaıǵaqqa qatysty qaýipsizdik sharalaryn saqtaýlary tıis.
Almaty qalasynyń turǵyn úı saıasaty basqarmasy