Balqash kóliniń sý deńgeıi taǵy 8 sm-ge kóterildi. Aıta keteıik, transshekaralyq İle ózeninen kólge sý jiberý is-sharalary jalǵasyp jatyr.
Osyǵan deıin sý deńgeıi 15 sm-ge artyp, 1 sáýirde 174 sm-ge jetken edi. Búgingi tańda bul kórsetkish 182 sm-ge kóterildi, dep habarlaıdy Almaty-akshamy.kz Sý jáne ırrıgasıa mınıstrligine silteme jasap.
Osylaısha, jyl basynan beri Balqashtaǵy sý deńgeıi 23 sm-ge kóterildi.
«Balqash kólindegi sý deńgeıin anyqtaý úshin 4 gıdrobekette: Saryshaǵan, Qaraqum, Balqash jáne Myńaral baqylaý júrgiziledi. Sonymen qatar, BQO-nyń Qamys-Samar kólderine 80 mln tekshe metr sý bardy, Kaspıı teńizine taǵy 200 mln tekshe metr sý jiberildi, Ulytaý oblysynan Qyzylorda oblysynyń aýylsharýashylyq alqaptaryna sý jiberý jalǵasyp jatyr», - dedi Sý resýrstary jáne ırrıgasıa mınıstrliginiń resmı ókili Móldir Ábdýalıeva.