Instagram paraqshasynda beıneúndeý joldady
Úsh kúnnen beri sýsyz otyrǵan Balqash jurtynan qala ákimi keshirim surady, dep habarlaıdy Almaty-akshamy.kz Almaty.tv-ge silteme jasap.
Qaırat Qamzın apatty joıýǵa ýáde berip, turǵyndardy sabyr saqtaýǵa shaqyrdy. Qalaǵa tirshilik nári birtindep berilip jatqanyn málimdep, Instagram paraqshasynda beıneúndeý joldady.
«Qazirgi tańda sol arnaıy 5 tehnıka jumys istep jatyr. Onyń ishinde – 1 ekskavator, kran, kólik, sý soratyn eki sorǵysh. Tehnıkalyq jaǵdaıǵa baılanysty jóndeý jumystary jalǵasýda, jospar boıynsha búgin bitirsek, kvartalishilik jelilerdi toltyramyz», – dedi Balqash qalasynyń ákimi Qaırat Hamzın.
Esterińizge sala keteıik, 4 sáýirde Balqash qalasynda bas sorǵy stansasynyń aýmaǵynda magıstraldyq qubyr jarylyp, turǵyndar sýsyz qalǵan edi.