Alıment tóleýden jaltarylǵan tulǵalarǵa qatysty izdeý jarıalandy, - dep habarlaıdy aqshamnews.kz tilshisi.
Bul týraly QSjAEK-ń Almaty boıynsha departament bóliminiń aǵa prokýrory Aǵybaev aıtty.
Balany asyraý – ata-ananyń zańmen bekitilgen mindeti, bul jerde ata-ananyń nekede bolýy, azamattyq nekede nemese ajyrasqan bolýy mańyzdy emes.
Qazir elimizde jaýapkershilik tanytpaıtyn ata-analardyń balasyna tólemeı júrgen alımenti úlken máselelerdiń biri bolyp otyr. Alımentter aı saıyn ata-anasynyń eńbekaqysynan nemese ózge tabysynan zańmen belgilengen mólsherde tólenýge tıis.
Jumys istemeıtin boryshkerdiń tóleýge mindetti alıment mólsheri QR-ń orta jalaqy mólsherimen esepteledi. Quzyrly organdar tarapynan nebir amaldar jasalyp jatsa da, ózgeniń tárbıesinde qalǵan balasyna qaraılaspaq túgili halin suramaıtyn ákelerdiń sany azaıar emes.
Alıment tóleýden jaltaryp júrgen boryshkerlerge qatysty jumystar, ıaǵnı jumyssyz boryshkerlerdi jumysqa ornalastyrý, berejaǵy kóp boryshkerlerdi ákimshilik jaýaptylyqqa tartý, olardyń atyna tirkelgen jyljıtyn jáne jyljymaıtyn múlikterge tyıym salý jumystary júrgizilip jatyr.
Sonymen qatar, QR-ń atqarýshylyq iz júrgizý zańnamasynyń májbúrli túriniń biri alıment tóleýden jaltarynyp júrgen boryshkerlerge izdeý jarıalaý.
Atqarýshylyq kaǵazyn oryndap otyrǵan sot oryndaýshysy alıment tóleýden jaltarynyp júrgen boryshkerge katysty óndirip alatyn zattaı nemese jumys ornynyń, turǵylyqty meken-jaıynyń bolmaýyna oraı, nemese boryshkerge katysty kandaıda bir aqparattyń bolmaýy saldarynan izdeý jarıalaý týraly is-áreketi koldanylady.
Sot oryndaýshysy boryshkerge katysty izdeý jarıalaý týraly kaýlysyn shyǵaryp, keıin prokýrormen sanksıalanady, odan keıin izdeý qaýlysy oryndaýǵa aımaq boıynsha kóshi-qon polısıa kyzmetine joldanady.
Kóshi-qon polısıa kyzmeti, kelip túsken qaýlyǵa sáıkes alıment tóleýden jaltaryp júrgen boryshkerge qatysty izdeý jarıalap, ony tabý maqsatynda tıisti jumystar atqarady.
Boryshker anyqtalǵan jaǵadaıda, kóshi-qon polısıa ınspektory odan atqarýshylyq is boıynsha jaltarmaıtyny týraly mindettemesin jáne túsiniktemesin alady.
Keıin, izdeýge bergen sot oryndaýshysyna, boryshkerdiń qaryzyn óndirý maqsatynda onyń meken-jaıyn kóresete otyryp, tolyq habarlama joldanady.
Sondaı-aq, boryshkerler óz mindetterine asa jaýapkershilikpen qarap, alımentin ýaqtyly tóleýge mindetti ekendigin, bul talaptar oryndalmaǵan jaǵdaıda olarǵa qatysty zańmen ákimshilik jáne qylmystyq jaýaptylyq kózdelgenin esten shyǵarmaýy qajet.
#zańjánetártip #zakonıporádok