Otandyq telearna ónimderi Túrkıada kórsetiledi.
Túrkıanyń Ystambul qalasynda ótken Túrki memleketteri uıymyna múshe elderdiń medıa jáne aqparat salasyna jaýapty mınıstrleriniń tórtinshi quryltaıynda osyǵan qatysty kelissózder ótti, dep habarlaıdy Almaty-akshamy.kz
Medıa forýmǵa qatysqan «Qazaqstan» teleradıokorporasıasy tóraıymynyń orynbasary Ilham Ibragımov Ulttyq arnanyń ónimderin tanystyryp, birge jumys isteýge bolatyn alańdardy atap ótti.
Budan bólek Ulttyq arna óndirgen derekti fılmder men telehıkaıalardy túrkitildes elderdiń jetekshi telearnalarynda kórsetý týraly kelisimge qol jetkizildi. Al paneldik otyrystarda feık, ıaǵnı jalǵan aqparatpen birlese kúresý, medıany manıpýlásıa jasaý quralyna aınaldyrmaý, sıfrly tehnologıalardyń bolashaǵy sıaqty súbeli máseleler talqyǵa tústi.