Dımash Qudaıbergen ata-analarǵa mańyzdy úndeý joldady.
30 shildede atap ótiletin Dúnıejúzilik adam saýdasyna qarsy kúres kúni qarsańynda ánshi sıfrlyq dáýirde qylmyskerler áleýmettik jeliler arqyly balalarmen baılanys ornata alatynyn atap ótti, dep habarlaıdy aqshamnews.kz
Halyqaralyq kóshi-qon uıymynyń (HKU) elshisi, belgili qazaqstandyq ánshi Dımash Qudaıbergen balalardyń qaýipsizdigine qatysty málimdeme jasady.
"Men ata-analarǵa, tárbıeshilerge, qamqorshylarǵa, balalarǵa jaýapty barlyq eresekterge júgingim keledi. Bala saýdasy týraly estigende, biz qolaısyz otbasylardan shyqqan balalardy nemese kóshede turatyn kóshe balalaryn elestetemiz. Alaıda, búgingi tańda balalar saýdasy basqa da joldarmen damyp keledi. Sonyń biri - ınternet. Qazirgi ýaqytta adamdar ınternette kóbirek ýaqyt ótkizedi. Osy sebepten de qylmyskerler balalardy áleýmettik jeliler nemese oıyn platformalary arqyly tartýǵa tyrysady",-dedi Dımash Qudaıbergen.
Sondaı-aq, ol bul áreketterdi toqtatýdyń birden-bir jolyn aıtty.
"Balalaryńyzǵa sıfrlyq álemde beıtanys adamdarmen qarym-qatynas jasaý qaýpi týraly eskertińiz. Balalaryńyzben sýretke túsirýden, beıne túsirýden jáne beıtanys adamdarmen bólisýden aýlaq bolý qanshalyqty mańyzdy ekenin talqylańyz. Adam saýdagerleri olardy jábirlenýshilerdi qorqytyp, baqylaýda ustaý úshin qoldana alady. Eń bastysy, balalaryńyzben senim ornatyńyz. Ózińizdi jáne jaqyndaryńyzdy qorǵańyz", - dep qorytyndylady izgi nıet elshisi.