Búgin Almatynyń «Jetisý» shaǵynaýdanynda kópqabatty úılerdiń biriniń terezesinen jas áıel úsh balasymen birge sekirip ketti.
28 jastaǵy áıel men onyń 2015, 2016 jáne 2019 jyly týǵan úsh kishkentaı balasy 9-qabattyń terezesinen sekirip ketken.Kórshileriniń sózinshe, jas kelinshek osy úıde bir bólmeli páter jaldap turǵan, dep habarlaıdy Almaty-akshamy.kz
Kýágerlerdiń aıtýynsha, jas ana aldymen balalardy terezeden laqtyryp, artynan ózi sekirip ketken.
«Ol únemi balalarmen aýlada serýendep júretin. Onyń eki qyzy men bir uly boldy. Kenjesi úsh jasta edi. Qarapaıym otbasy sıaqty kórinetin», - deıdi qaıǵyly oqıǵa bolǵan úıdiń turǵyny.
Áıel men eki balasy oqıǵa ornynda kóz jumdy. Taǵy bir bala jedel járdem kóliginde qaıtys boldy.
«Búgin tańerteń bolǵan oqıǵa óte qorqynyshty. Aldymen anasy balalaryn terezeden laqtyryp jiberip, artynsha ózi sekirdi. Bári jerde jatty. Balalarǵa obal boldy. Qaza tapqandardyń otbasyna kóńil aıtamyz», - dedi oqıǵa kýágeri.