Tımýr Qulybaevtyń Halyk qaıyrymdylyq qory Almatyda áleýmettik osal sanattaǵy turǵyn úılerdi gazdandyrý boıynsha aýqymdy jobany iske asyryp jatyr. Bul bastamanyń maqsaty – óz kúshimen gazǵa qosyla almaıtyn otbasylarǵa qaýipsiz, ekologıaǵa zıany az jáne únemdi jylý usyný.
200 mıllıon teńge – 100 úıge jylý
Qordyń qoldaýymen Almatyda shamamen 100 jeke turǵyn úıdi gazǵa qosý kózdelgen. Jobaǵa 200 mıllıon teńgege jýyq qarajat baǵyttaldy. Qazir 50 úıde qurylys-montaj jumystary aıaqtalyp, jabdyqtar ornatyldy. Onyń ishinen 42 úı gazǵa qosylyp, turǵyndar jańa júıeniń jaılyǵyn sezinip úlgerdi. Qalǵan úıler boıynsha jumys kezeń-kezeńimen jalǵasyp keledi.
Kimder jylýmen qamtylady?
Kómek alatyn otbasylar tizimin Almaty qalasy ákimdigi jasaıdy. Jobaǵa kópbalaly otbasylar, jalǵyzbasty zeınetkerler, múgedektigi bar azamattar jáne turmys jaǵdaıy aýyr ózge de jandar engizilgen.
Áleýmettik osal azamattar úshin qajet barlyq jabdyq Halyk qorynyń esebinen ornatylady:
● gaz eseptegishter;
● gaz plıtasy;
● radıatorlar;
● ishki jylytý júıesiniń qubyrlary men qosymsha tehnıkalyq jabdyqtar;
● montaj jáne iske qosý jumystary.
Turǵyndar jabdyqqa da, ornatý jumystaryna da aqsha tólemeıdi. Olar úshin eń bastysy - qujattaryn rásimdeý ǵana. Qalǵan jumys joba uıymdastyrýshylarynyń moınynda.
"Balalarymdy úıde jalǵyz qaldyrýǵa qorqatynmyn"
Joba aıasynda alǵashqy otbasylardyń úıine jylý kirip te úlgerdi. Medeý aýdanynda turatyn kópbalaly ana buryn bul "jylý" qol jetpes arman sıaqty kóringenin aıtty.
"Men kópbalaly anamyn. Almatyda jıyrma jyl boıy páterde turdyq, byltyr táýekelge baryp, nesıege úı satyp aldyq. Nesıeni tólep otyrǵandyqtan, gaz júrgizýge shama bolmady. Eki jyl buryn júregime ota jasaldy, densaýlyǵym áli tolyq qalpyna kelgen joq. Búgingi tabysymyz ózimniń jáne qyzymnyń em-domyn óteýge jetedi. Byltyr qysta tórt tonnadan asa kómir jaqtyq. Pesh únemi buzylyp qalatyn: qabyrǵalary jarylyp, úıdiń ishi tútinge tolyp, jylýy da az boldy. Biz úshin óte aýyr kezeń edi. Balalarymdy úıde jalǵyz qaldyrýǵa qorqatynmyn . Iis tıip qala ma dep qatty ýaıymdaıtynmyn. Jaqyn arada gaz ótkizemiz dep múlde oılaǵan joqpyz. Allaǵa shúkir, úıimizge jylý kirdi. Otbasymyzǵa kórsetken qamqorlyǵy men jylý syılaǵany úshin ákimdikke jáne Halyk qaıyrymdylyq qoryna sheksiz alǵys aıtamyn", – dedi Almaty qalasy Medeý aýdanynda turatyn kópbalaly ana Damıra Sultanmuratova.
Nege gazǵa kóshý mańyzdy?
Bul – jaı ǵana ınjenerlik joba emes, adamdardyń ómir sapasyn túbegeıli jaqsartýǵa baǵyttalǵan qadam. Birinshiden, jer úıdi kómirmen jylytý úshin qyryýar aqsha ketedi. Gazǵa ótkende shyǵyn edáýir azaıyp, otbasy búdjetine túsetin salmaq azaıady. Al bul - tabysy az otbasy úshin – úlken qoldaý.
Ekinshiden, kómir tútin, kúıe, shań shyǵarady, úıdiń ishin de, qalanyń aýasyn da lastaıdy. Gazda tútin joq, kúıe joq, úıdiń ishi taza, qabyrǵa men jıhaz qaraıyp ketpeıdi. Bul balalardyń densaýlyǵy, qarttardyń tynysy, jalpy qalanyń ekologıalyq ahýaly úshin asa mańyzdy.
Úshinshiden, peshke ot jaǵý, kómir tasý, kúl shyǵarý – fızıkalyq turǵydan aýyr jumys. Avtomatty gaz jylytý júıesi bolsa, úı únemi birqalypty jyly, temperatýrany retteý jeńil, qart adamdar men múgedektigi bar jandar úshin de anaǵurlym qaýipsiz ári qolaıly.
Osylaısha, joba bir mezette eki mindetti oryndaıdy: áleýmettik turǵydan muqtaj jandardyń turmysyn jeńildetedi, ekologıalyq turǵydan Almatynyń aýasyn tazartýǵa úles qosady.
Halyk qorynyń basqarýshy dırektory Narıman Ábilshaıyqov bul bastamanyń mánin ashyp aıty.
"Halyk qory halyqtyń bazalyq qajettilikterin sheshýge baǵyttalǵan áleýmettik jobalar júzege asyryp keledi. Gazǵa qosylý – mańyzdy ınfraqurylymdyq másele. Almatylyq otbasylardyń úıin jylytýǵa úles qosý - biz úshin de úlken jaýapkershilik ári qurmet".
Halyk qaıyrymdylyq qory týraly
Bul Halyk qorynyń mundaı baǵyttaǵy alǵashqy jumysy emes. 2021–2023 jyldar aralyǵynda Halyk Bank-tiń kómegimen Almatyda 315 úıdi gazǵa qosý úshin shamamen 300 mıllıon teńge bóldi.
2016 jyldan beri Tımýr men Dınara Qulybaevtar negizin qalaǵan Halyk qaıyrymdylyq qory Qazaqstanda 85 mıllıard teńgeden asa qarajatqa 120-dan asa áleýmettik jobany iske asyrdy. Infraqurylym, bilim, densaýlyq, balalardy qoldaý, sport, áleýmettik osal azamattarǵa turaqty járdem – qor jumysynyń negizgi baǵyttary.
*Jarnama materıaly. Sýretterdi Halyk qory usyndy.