Terorızmge osal bilim berý nysandarynyń sany 10 myńǵa deıin artty.
«Bilim berý uıymdardaǵy balalardyń qaýipsizdigi – bolashaǵymyzdyń kepili. Bul barlyq organdardyń – basty mindeti. Sondyqtan, bul másele İshki ister mınıstrliginiń erekshe baqylaýynda. Buryn terorızmge osal obektiler qataryna 200 adamnan turatyn oqý oryndary kiretin. 2021 jyly bul ólshem – 100 oqýshyǵa deıin ózgertildi. Nátıjesinde, mundaı bilim berý obektileri 6,5 myńnan 10 myńǵa deıin ósti», - dedi ol.
Osy rette mınıstr Terorızmge qarsy qorǵaý jónindegi nusqaýlyq bekitilgenin atap ótti.
«Endi adam sany 300-ge deıingi mekemelerde beınebaqylaý men jarıalaý júıeleri bolý kerek. Al, 700 adamǵa deıingi obektiler beınekameralardy Jedel basqarý ortalyqtaryna qosyp, dabyl túımelerin ornatýy tıis. Adam sany 700-den assa, bul uıymdarda jáne oblystyq ortalyqtaǵy mektepterde týrnıketter jáne lısenzıasy bar kúzetpen jasaqtalǵan kelisimshart bolýy qajet. Qazirgi ýaqytta, osy talaptarǵa sáıkes, ákimdikter bilim berý uıymdarynyń tizimin jańartyp jatyr», - dedi Marat Ahmetjanov.