Eki aptanyń ishinde Qyzylorda men Túrkistan oblystarynda balalardyń káriz qudyǵyna qulap, kóz jumý deregi tirkeldi.
Osy qaıǵyly oqıǵalarǵa qatysty balalar ombýdsmeni Dınara Zákıeva áleýmettik jelide pikir bildirdi, dep habarlaıdy Almaty-akshamy.kz.
«Eki jaǵdaıda da káriz qudyqtary ákimdikterge tıesili. Infraqurylymnyń qaýipsizdigin qamtamasyz etpeı, balalardyń ólimine ákep soqqan salǵyrttyqqa jol bergen qyzmetkerlerdi jaýapkershilikke tartý maqsatynda tergeý júrgizý qajet dep sanaımyn. Sondaı-aq bul salaǵa jaýapty jergilikti atqarýshy organdardyń basshylary men aýdan ákimderin de jaýapqa tartý kerek dep oılaımyn», - dedi Dınara Zákıeva óziniń jazbasynda.