Danıalyq ǵalymdar toby balalar arasynda uzaq COVID-19 dep atalatyn aýrýdyń ótý barysyna zertteý júrgizdi.
Mamandardyń zertteýinshe, 17 jasqa deıingi balalardaǵy long-kovıd alty aıǵa jýyq ýaqytqa sozylýy múmkin, dep habarlaıdy Almaty-akshamy.kz Izvestıa saıtyna silteme jasap.
Zertteýshiler naýqastarda koronavırýstyq ınfeksıa belgileri aýrýdyń jedel kezeńinen keıin tórt aptadan astam ýaqyt boıy saqtalatyn jaǵdaılardy, sondaı-aq úsh aıdan astam ýaqyt boıy baıqalatyn post-kovıdtik sındromnyń kórinisterin qosa zerttegen.
«Kóp jaǵdaıda «uzaq merzimdi» COVID-19 belgileri bir aıdan bes aıǵa deıin sozylady», - dep jazdy ǵalymdar jumys nátıjeleri týraly maqalada.
Zertteýge 30 000 bala qatysty: jartysy koronavırýspen aýyrǵan, qalǵandary baqylaý tobynda boldy. Qatysýshylar ata-analarynyń kómegimen nemese óz betinshe olarda kezdesetin belgiler men aýrýdyń uzaqtyǵy týraly suraqtarǵa jaýap berdi.
Aýrýdan aıyqqan mektep jasyna deıingi balalardyń (bes jasqa deıingi balalar) 17,6%-y, al mektep oqýshylarynyń (alty jastan 17 jasqa deıin) 28,2%-y tórt aptadan astam ýaqyt boıy COVID-19 belgilerin sezindi. Sonymen qatar, baqylaý tobyndaǵy mektep jasyna deıingi balalardyń 14,8%-y jáne mektep oqýshylarynyń 27,2%-y tórt aptadan astam ár túrli jaǵymsyz belgilerdi bastan keshirdi.
Bul balalarda aýrýdyń uzaq bolýy tek koronavırýstyq ınfeksıamen ǵana emes, sonymen qatar kóptegen basqa aýrýlarmen nemese psıhologıalyq faktorlarmen baılanysty bolýy múmkin. Munyń áseri baqylaý tobyn anyqtaýǵa múmkindik beredi.
Zertteý avtorlary baqylaý tobyndaǵylarǵa qaraǵanda, koronavırýspen aýyrǵan mektep oqýshylarynyń arasynda sımptomdar tek 0,8%-ǵa ǵana tórt aptadan astam saqtalatynyn atap ótti.