Kids go free: balalar týrızmin damytý baǵdarlamasy
İshki týrızmdi damytýǵa arnalǵan joba júzege asyrylǵan alty aıdyń ishinde 300-den asa kishkentaı jolaýshyǵa Qazaqstan boıynsha týrısik joldamalar quramynda tegin áýe bıletteri tabys etilgen, dep habarlaıdy Almaty-akshamy.kz Qazaqtv.com saıtyna silteme jasap.
«Baǵdarlamany júzege asyrý mehanızmi óte qarapaıym. Týrıser týroperatorǵa kelip, bron jasaıdy. Sol kezde balalardyń áýe bıletteriniń quny alynyp tastalady. Sebebi, ony memleket sýbsıdıalaıdy. Iaǵnı, 2-den 17 jasqa deıingi balalardyń ushaqpen ushýy – tegin. Odan ári, týroperatorlar saıahat paketterin tańdap, qalyptastyrady jáne balalar bıletteriniń shyǵynyn óz esebinen óteıdi. Al týrpaket tolyǵymen júzege asyrylǵannan keıin olar «Qazaqtýrızmge» ótinim joldaıdy. Biz ony 10 kún ishinde qarap shyǵyp, tıisti qarajatty týroperatorlarǵa aýdaramyz», - dedi «Kazakh Tourism» kompanıasynyń ókili Ernur Kenjebekov.
Baǵdarlamaǵa kez kelgen qazaqstandyq otbasy qatysa alady. Basty talap – joldamany jobaǵa tirkelgen týroperatorlardan satyp alý kerek. Qazir tizimde 20 kompanıa bar. Sonymen birge, bala ata-anasymen nemese ata-ájesi, aǵasy, ápkesi syndy jaqyn týystarymen birge bolsa ǵana, tegin áýe bıleti bólinedi.
«Sońǵy jyldary Aqtaý, Túrkistan qalalaryna kóp kóńil bólinýde. Óıtkeni ol jerlerde iri týrısik keshender salyndy. Árıne jergilikti týrıserdiń nazary dál sol óńirlerge túseri anyq. Bul tendensıa bizdiń statısıkamyzda kórsetilgen. Osy eki destınasıaǵa suranys joǵary. Ásirese qolǵa alynǵan baǵdarlamanyń arqasynda. Qazaqstan - týrısik bıznesti ilgeriletý úshin Kıds goý frı baǵdarlamasyn úkimet deńgeıinde engizgen alǵashqy el», - deıdi «Kazakh Tourism» kompanıasynyń ókili Ernur Kenjebekov.
Kıds Goý Frı baǵdarlamasy boıynsha bıylǵy jylǵa 350 mıllıon teńgege jýyq qarjy bólingen. Joba aıasyndaǵy týrlardyń ortasha baǵasy - 350 myń teńge. Sala ókilderiniń aıtýynsha, baǵdarlamanyń arqasynda qazaqstandyq otbasylar týrısik joldama qunynyń 30 prosentine jýyǵyn únemdeı alady.