Ádette qysta bolatyn vırýs sáýir aıynan bastap taralǵan.
Amerıka Qurama Shtattary, Shveısarıa, Japonıa jáne Ulybrıtanıa dárigerleri balalardyń respıratorlyq sınsıtıaldy vırýsty jappaı juqtyryp jatqanyn aıtty, dep habarlaıdy Almaty-akshamy.kz
Bul týraly habarlaǵan BBC News-tiń málimetinshe, shekteý sharalary jeńildegennen keıin balalar arasynda aýrýshańdyq óse bastady.
Sarapshylar koronavırýs pandemıasy RSV vırýsynyń taralýyna áser etken, karantın sharalarynyń saldarynan balalarda vırýsqa qarsy ımýnıtet qalyptaspaǵan dep sanaıdy.
AQSH aýrýlardy baqylaý jáne aldyn alý ortalyǵynyń málimetinshe, balalardyń kópshiliginde vırýs sýyq tıgen kezdegideı jeńil ótip jatyr. Biraq keıbiriniń ókpesin qabyndyryp, bronhıolıtke shaldyqtyrýy múmkin.
Buǵan deıin AQSH aýrýlardy baqylaý jáne aldyn alý ortalyǵynyń mamandary koronavırýstyń «delta» shtamy tarala bastaǵannan keıin elde COVID-19 juqtyrǵan balalardyń sany kúrt óskenin habarlady, biraq jańa zertteý jańa shtamm edáýir qaýipti jáne aýrýdyń aýyr túrin týdyrady dep alańdaý negizsiz ekenin kórsetti.