Almaty qalasy boıynsha Qylmystyq atqarý júıesi departamentiniń №11 mekemesinde «Azamattardyń jáne uıymdardyń zańdy múddelerin, quqyǵyn qorǵaý» jobasy aıasynda jazaly jasóspirimdermen kezdesý ótti.
İs-sharaǵa QR Prezıdenti janyndaǵy Áıelder isteri jáne otbasylyq-demografıalyq saıasat jónindegi ulttyq komısıanyń, Azamattyq bastamalardy qoldaý ortalyǵy men Mádenıet jáne aqparat mınıstrliginiń qoldaýymen «Human Rights Lawyers» qoǵamdyq qory «One stop service» jobasynyń komandasy atsalysty.
QR Prezıdenti janyndaǵy Áıelder isteri jáne otbasylyq-demografıalyq saıasat jónindegi ulttyq komısıa tóraǵasynyń orynbasary Aıman Omarova balalardy alda kele jatqan QR Konstıtýsıasynyń 30 jyldyq merekesimen quttyqtady.
Balalar quqyǵyn qorǵaýmen aınalysatyn ókilder endi bastalatyn jańa oqý jylynyń qurmetine balalarǵa dep oqý quraldaryn kóptep ala kelipti. Sondaı-aq jastarǵa fýtbolkalar syılady.
İs-sharanyń maqsaty – jasóspirimderdiń quqyqtyq saýatyn arttyrý, ómirge degen oń kózqarasyn qalyptastyrý arqyly balalardyń qaýipsizdigin qamtamasyz etý deıdi sarapshylar.