QR Memlekettik ortalyq mýzeıiniń «Atadan jetken asyl sóz» jobasy aıasynda «Babalar sózimen» mýzeılik sabaǵy ótti. Sabaqqa B.Momyshuly atyndaǵy №131 mekteptiń 6 a, b synyp oqýshylary qatysty, dep habarlaıdy almaty-akshamy.kz.
Oqýshylarǵa Áıteke bıdiń naqyl sózderi, bı-sheshenderdiń tarıh sahnasyna shyqqan dáýiri, Salqam Jáńgirdiń uly Táýke hannyń tusynda bolǵan oqıǵalar men «Jeti jarǵy» zańdar jınaǵy týraly tanymdyq aqparattar aıtyldy. Sonymen qatar, etnografıalyq zaldyń Qazaq handyǵy ekspozısıasyndaǵy jádigerler tanystyryldy.
Sabaq sońynda Áıteke bıdiń naqyl sózderi oqylyp, maqal-mátelder qurastyrylyp, «Bı» degen kim jáne onyń boıynda qandaı qasıetter bolý kerek degen saýalǵa jekelegen sózderden sóılem qurastyrý arqyly jaýap berdi.
– Sabaqtyń maqsaty – qazaqtyń ataqty bıleri búgingi urpaqqa sheshendik sózderimen, ádiletti sheshimderimen ǵana emes, adamgershilikke, ımandylyqqa, ınabattylyqqa bastaıtyn ónegeli ómirimen, bıik parasatymen de qymbat tulǵalar ekenin uǵyndyrý, – deıdi dáris jetekshisi Aqmaral Qaldarbekova.