Maman tapshylyǵyna jalaqynyń azdyǵy sebep.
Oqý-aǵartý mınıstrligi Erte jastaǵy balalardy damytý ınstıtýtynyń dırektory Manara Adamovanyń málimdeýinshe, mektepke deıingi uıymdarda 15 myńǵa jýyq tárbıeshi jetispeıdi, dep habarlaıdy Almaty-akshamy.kz
"Búgingi tańda 15 myńdaı tárbıeshi jetispeıdi. Árıne, birinshi sebebi, jasyratyny joq, jalaqynyń azdyǵy. Jalaqy az bolǵannan keıin jas mamandar tarapynan qyzyǵýshylyq joq. Sodan keıin jumys istep júrgen mamandar biraz tájirıbe jınaǵannan keıin aılyǵy kóp mektepke aýysyp ketip jatady. Aınalyp kelgende, barlyǵy jalaqynyń azdyǵyna baılanysty bolyp tur", - dedi Adamova ortalyq komýnıkasıalar qyzmetinde ótken baspasóz máslıhatynda.
Ol balabaqsha sany kóp óńirlerde tapshylyq qatty seziletinin atap ótti. Olar Túrkistan men Almaty oblystary, Astana qalasy.
Instıtýt dırektorynyń málimetinshe, Qazaqstanda 11 104 mektepke deıingi uıym bar. Onyń ishine balabaqshalar da, shaǵyn ortalyqtar da kiredi. Olarda 1 mıllıonnan astam búldirshin tárbıelenip jatyr. Balabaqshalardyń 70 paıyzy qazaq tilinde tárbıe beredi.