Vaýcherlik qarjylandyrý júıesi engizilgen óńirlerde vaýcherlerdi bólý kezek jańartylǵannan keıin, naqtyraq aıtqanda, 1 shildeden bastap júzege asady, dep habarlaıdy aqshamnews.kz
Bul Taraz, Túrkistan, Shymkent, Oral, Astana, Semeı, Óskemen, Jezqazǵan, Qaraǵandy, Pavlodar, Petropavl, Qostanaı, Qonaev, Qosshy, Taldyqorǵan qalalaryna, sondaı-aq Baızaq, Saryaǵash, Jetisaı, Saıram, Qazyǵurt jáne Maqtaaral aýdandaryna qatysty.
Vaýcher alý úshin:
Kelisimdi 2 jumys kúni ishinde rastaý kerek. Vaýcher rastalmaǵan jaǵdaıda ótinish belsendi emes bolyp esepteledi, al ata-ana nemese zańdy ókil ony 28 kúntizbelik kún ishinde tek bir ret qaıta qalpyna keltire alady;
Balabaqshany tańdap, qujattardy jınap, kelisimshartty 5 jumys kúni ishinde rásimdeý qajet. Eger vaýcherden bas tartsa, kezek joıylady. Eger qalaǵan balabaqshada bos oryn bolmasa, ata-ana balany "kútý paraǵyna" qoıa alady. Bos oryn paıda bolǵan jaǵdaıda jeke kabınetke jańa habarlama jiberiledi.
Qalǵan óńirlerde jas erekshelikteri boıynsha toptar jınaqtaý 1 tamyzdan bastalady.
Bos oryn týraly habarlama aldymen kezekte turǵandarǵa beriledi. Ata-ana eki kúnde joldamany rastaýy tıis. Joldama rastalǵannan keıin 5 jumys kúni ishinde qujattardy tapsyryp, kelisimshart jasaıdy. Qajet bolǵan jaǵdaıda joldamany 30 kúntizbelik kúnge deıin bir ret uzartýǵa bolady.
Eger qujattardyń tolyq paketi usynylmasa, merzimi ótip ketken bolsa nemese ekpe almaǵan balalar sany ruqsat etilgen mólsherden asyp ketse, balabaqsha qujattardy qabyldamaýǵa quqyly.
Qujattardy aldyn ala tekserip, jeke kabınettegi habarlamalardy qadaǵalap otyrý qajet.