Áleýmettik qolaılylyq: Almatynyń Áýezov aýdanynda qadamdyq qol jetimdi jerlerden balabaqshalar, mektepter men emhanalar salynýda
Almaty qalasynyń ÓKQ brıfıńinde Áýezov aýdanynyń ákimi Abzal Egemberdıev alǵashqy medısınalyq-sanıtarlyq kómektiń qadamdyq qoljetimdiligin qamtamasyz etý aıasynda «Mamyr» shaǵyn aýdanynda osy jyldyń tamyz aıynda aýysymyna 200 adam qabyldaıtyn otbasylyq-dárigerlik ambýlatorıa ashylǵanyn, bul osy emhanaǵa tirkelgen 12 myń adamǵa yńǵaıly qyzmet kórsetý máselesin sheshýge múmkindik bermek. Sonymen qatar, ol basqa nysandardyń ashylǵany týraly málimdedi, dep habarlaıdy almaty-akshamy.kz.
«Aýdannyń densaýlyq saqtaý salasyndaǵy problemalyq másele, bul №18 emhanaǵa tirkelgengendermen shamadan tys júktelýi bolýda. Osy jaǵdaıdy sheshý úshin «Qýanysh» shaǵyn aýdanynda 300 oryndyq emhana salý josparlanyp otyr, aǵymdaǵy jyldyń qazan aıynda, atalǵan maqsatta jer ýchaskesi satyp alyndy. Sonymen qatar, kelesi jyly №16 qalalyq emhanaǵa kúrdeli jóndeý júrgizý josparlanýda», - dep habarlady aýdan ákimi.
Abzal Egemberdıev oqýshy ornynyń tapshylyǵy máselesin sheshý jaıyna da keńirek toqtaldy.
Qazirgi ýaqytta aýdanda 33 memlekettik jáne 22 jekemenshik mektep bar, ondaǵy oqýshylardyń jalpy sany - 59 209. Aýdanda oqýshy ornynyń tapshylyǵy 5 myńnan asady.
«Oqýshy oryndarynyń tapshylyǵyn azaıtý maqsatynda 2022 jyly №6,117,121,132,133 mektepterge 5 qosymsha qurylys salyndy, sondaı-aq «Dostyq» jekemenshik mektebi ashyldy, bul sol kezdegi oryn tapshylyǵyn 3400 oqýshy ornyna qysqartýǵa múmkindik berdi», - dedi aýdan ákimi.
№141, 122 mektepterde jáne BIL mamandandyrylǵan lıseıinde (Bilim ınovasıalyq lıseı) seısmıkalyq kúsheıtýmen kúrdeli jóndeý aıaqtaldy. Sonymen qatar, №9 mektepte kúrdeli jóndeý jalǵasýda, al №127 mektepte kúrdeli jóndeý jumystary aıaqtalyp keledi.
«Jaıly mektep» Ulttyq jobasy aıasynda №97 mekteptiń eski ǵımaratynyń ornynda 600 oryndyq jańa mekteptiń qurylysy bastaldy. Qurylysty aıaqtaý 2024 jyldyń III toqsanynda josparlanyp otyr.
№72 mekteptiń eski ǵımaratyn buzý jáne syıymdylyǵy 380-nen 1200 orynǵa deıin ulǵaıtylǵan jańa mektep salý josparlanýda. Jobalyq smetalyq qujatty ázirleýdiń bastalýy-2024 jylǵy I toqsan.
Almaty qalasynyń ákimdigi men qurylys kompanıalary arasynda jasalǵan Memorandýmdy oryndaý aıasynda myń jarym (1500) oryndyq bir mektep, sondaı-aq 400 oryndyq qosymsha qurylys salý josparlanýda.
Eski eki mektepti buzý máselesi pysyqtalýda: № 13 gımnazıa, qýattylyǵyn 860-tan 1200 orynǵa deıin ulǵaıtý. №158 mektep: qýattylyǵyn 620-dan 1200 orynǵa deıin ulǵaıtý arqyly.
Júrgizilgen taldaý qorytyndysy boıynsha 2 mektep anyqtaldy: №1 jáne 42, olarǵa 700 oqýshyǵa arnalǵan qosymsha ǵımarattar salý josparlanýda.
Sonymen birge «Taýgúl-3» yqsham aýdanynda jeke ınvestormen 600 oqýshyǵa arnalǵan «Zerdesh» mektebi ashyldy.
Mektepke deıingi bilim berýge de kóp kóńil bólinýde. Búgingi tańda aýdannyń mektepke deıingi mekemelerindegi oryn tapshylyǵy shamamen 6 myń oryndy quraıdy. Aýdanda jalpy sany 18 myń búldirshindi qamtıtyn 47 memlekettik jáne 163 jekemenshik balabaqsha jumys atqarýda
Mektepke deıingi oryndardyń tapshylyǵy máselesin sheshý, sondaı-aq balabaqshalardaǵy jaǵdaıdy jaqsartý úshin kelesi jumystar júrgizilýde: «Altyn besik» shaǵyn aýdanynda 120 oryndyq memlekettik balabaqsha qurylysy bastaldy. Bıyl 10-shy yqsham aýdanynda 160 oryndyq balabaqsha qurylysyna jobalyq smetalyq qujatty ázirleý jumystary bastaldy. Taýgúl yqsham aýdanynda apatty dep tanylǵan balabaqsha ǵımaratynyń ornynda 120 oryndyq jańa balabaqsha salý josparlanýda. 2-shi shaǵyn aýdanynda burynǵy 120 oryndyq balabaqsha ǵımaratyn seısmıkalyq kúsheıte otyryp, kúrdeli jóndeýdi jobalaý jumystary júrgizilýde