Oqıǵa Pavlodar qalasyndaǵy №28 balabaqshada boldy.
Pavlodarda balabaqshalardyń birinde balany shapalaqpen urǵan tárbıeshi jumystan bosatyldy. Al mekeme basshysyna qatysty tártiptik jaza qoldanyldy, dep habarlaıdy Almaty-akshamy.kz Pavlodarnews.kz silteme jasap.
Áleýmettik jelide balabaqshada túsirilgen vıdeo taraldy. Beınekadrdan tárbıeshiniń balany shapalaqtap, kórpemen jaýyp jatqanyn kórýge bolady.
Pavlodar qalasynyń bilim berý bólimi balalarǵa dórekilik tanytý faktisi boıynsha №28 balabaqshada qyzmettik tergeý júrgizilgenin habarlady.
«Tergeý qorytyndysy boıynsha, QR Eńbek kodeksiniń 52-baby 1-tarmaǵynyń 14-tarmaqshasyna sáıkes, tárbıeshi teris sebeptermen jumystan shyǵaryldy», - dep jazdy bilim berý bóliminen.
Sondaı-aq tárbıeshilerdiń qyzmetin baqylaýdy álsiretkeni úshin mektepke deıingi uıym basshysyna qatysty tártiptik jaza qoldanylǵan.